នៅថ្ងៃទី២៦ ខែវិច្ឆិកា ឆ្នាំ២០១៩ វេលាម៉ោង ០៩:៤០នាទីព្រឹក សមត្ថកិច្ចបានឃាត់ខ្លួនស្ត្រីម្នាក់ ពាក់ព័ន្ធនឹងករណីលូកកាបូប ស្ថិតនៅក្នុងបរិវេណផ្សារចាស់ ក្រុងសៀមរាប ចំណុចកន្លែងលក់ត្រី។
សមត្ថកិច្ចបានបញ្ជាក់ថា ជនសង្ស័យ ឈ្មោះ មាស សារ៉ន ភេទស្រី អាយុ៤៥ឆ្នាំ រស់នៅភូមិមណ្ឌល៣ សង្កាត់ស្លក្រាម ក្រុងសៀមរាប បានធ្វើសកម្មភាពលួច យកយកកាបូបដៃ ចេញពីកាបូបស្ពាយធំ របស់ជនរងគ្រោះ រួចយកទៅក្ដោបទុកនៅនឹងមុខពោះ ហើយយកកាបូបរបស់ខ្លួនបាំង តែត្រូវជនរងគ្រោះដឹងខ្លួន ក៏ឃាត់ជនសង្ស័យជាប់ហើយដកយកកាបូបមកវិញ។ បន្ទាប់មកជនរងគ្រោះ ក៏បានទំនាក់ទំនងមកសមត្ថកិច្ច ដើម្បីធ្វើអន្តរាគមន៍។
បន្ទាប់ឃាត់ខ្លួនបានជនសង្ស័យ សមត្ថកិច្ចបានប្រគល់ទ្រព្យសម្បត្តិ ដែលជនសង្ស័យបានលួច ជូនជនរងគ្រោះវិញ រួមមាន កាបូបដៃដាក់លុយមួយ ក្នុងនោះមាន លុយដុល្លារ ៦៦៦ដុល្លារ លុយខ្មែរ ៤៧ម៉ឺនរៀល អត្តសញ្ញាណប័ណ្ណ សញ្ជាតិខ្មែរ ០១សន្លឹក បណ្ណបើករថយន្តចំនួន ០១សន្លឹក, ប័ណ្ណពត៌មាន របស់ធនាគាអេស៊ីលីដា ចំនួន០១សន្លឹក។
ព័ត៌មានជាតិ ថ្មីៗ
.ក្រោយទទួលបានចម្លើយសារភាព រួមនិងវត្ថុតាង លោកអនុសេនីយ៍ទោ ចាន់ សុធា នាយផ្នែកព្រហ្មទណ្ទនគរបាលក្រុងសៀមរាប បានឃុំខ្លួនជនសង្ស័យបណ្ដោះអាសន្ននៅអធិការដ្ឋានក្រុង ដើម្បីកសាងសំណុំរឿងតាមនីតិវិធីបញ្ជូនទៅធ្វើការផ្ដន្ទាទោសតាមផ្លូវច្បាប់។
អត្ថបទ និង រូបភាព ៖ លោក បូ សាវី
កែសម្រួលអត្ថបទ ៖ លោក សេង ផល្លី
