សាលាខេត្តសៀមរាបរសៀលថ្ងៃទី០៩ ខែធ្នូ ឆ្នាំ២០១៩ ឯកឧត្តម ផាក ហ៊ឹងខ្យង់ Park Heung-Kyeong០ ឯកអគ្គរដ្ឋទូត នៃសាធារណរដ្ឋកូរ៉េប្រចាំកម្ពុជានិងនាយកទីភ្នាក់ងារសហប្រតិបត្តិការអន្តរជាតិកូរ៉េ ប្រធានការិយាល័យកុងស៊ុលកូរ៉េប្រចាំខេត្តសៀមរាបរួមទាំងសហការី បានចូលជួបសម្តែងការគួរសមនិងពិភាក្សាការងារជាមួយ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប ក្នុងគោលបំណងរឹតចំណងសាមគ្គីភាព បង្កើនទំនាក់ទំនងលើកិច្ចសហប្រតិបត្តិការការងារមួយចំនួនក្នុងខេត្តសៀមរាប។
ឯកឧត្តម ផាក ហ៊ឹងខ្យង់ មានប្រសាសន៍ថា៖រដ្ឋាភិបាលនៃសាធារណៈរដ្ឋកូរ៉េនិងព្រះរាជាណាចក្រកម្ពុជា មានចំណងទំនាក់ទំនងសាមគ្គីភាព និងសហប្រតិបត្តិការទ្វេភាគី រវាងប្រទេសជាតិយើងទាំងពីរកាន់តែមានភាពជិតស្និទ្ធគ្រប់វិស័យ ។ជំនួបពិភាក្សានាពេលនេះ ខាងភាគីកូរ៉េ មានគម្រោងបង្កើតទីលានកប់សំណល់ប្រកបដោយអនាម័យ ស្របពេលដែលបច្ចប្បន្ននេះនៅប្រទេសកូរ៉េបានបង្កើតអាជ្ញាធរទីលានកប់សំណល់ប្រកបដោយអនាម័យរួចហើយ ដែលជាឱកាសមួយសម្រាប់អាជ្ញាធរខេត្តសៀមរាបធ្វើការសហការជាមួយគ្នានោះយើងអាចទាញយកអត្ថប្រយោជន៍ពី ទីលានកប់សំណល់ដោយការធ្វើប្រព្រឹត្តិកម្មបំលែងឱ្យទៅជាថាមពលកកើតថ្មី និងបង្កើតជាចរន្តអគ្គីសនីបាន ហើយប្រព្រឹត្តិកម្មទឹកកខ្វក់ឱ្យទៅជាទឹកថ្លាស្អាតបានទៀតផង។កន្លងមកយើងបានសិក្សាទៅលើទីតាំសម្រាប់បង្កើតទីលានកប់សំណល់ប្រកបដោយអនាម័យនៅខេត្តសៀមរាប រដ្ឋាបាលខេត្តសៀមរាបបានបង្ហាញដីមួយកន្លែងនៅក្បែរតំបន់ទន្លេសាបមានទំហំប្រហែល៦០ហិកតា តែតាមការស្រាវជ្រាវភូមិសាស្ត្រទីនោះលិចទឹកនៅរដូវវស្សា ទឹកក្រោមដីឡើងចុះឆាប់រហ៍សមិនទៀងទាត់ វាអាចមិនសូវល្អ ដល់ការធ្វើប្រព្រឹត្តិកម្មទឹកកខ្វក់ចេញពីសំណល់ផ្សេងៗឱ្យទៅជាទឹកស្អាត ហេតុនេះសំណូមពរស្នើដល់អាជ្ញាធរខេត្តសហការគាំទ្រលើគម្រោងបង្កើតទីលានកប់សំណល់ប្រកបដោយអនាម័យ សូមជួយរកទីតាំងថ្មីសម្រាប់ការសាង់សង់និងផ្តល់ព័ត៌មានក្រោយពីកំណត់ទីតាំងថ្មីបានហើយ។គម្រោងបង្កើតទីលានកប់សំណល់ប្រកបដោយអានម័យជាគម្រោងដ៍ល្អមួយសម្រាប់ខេត្តសៀមរាប។
ឯកឧត្តម ផាក ហ៊ឹងខ្យង់ បញ្ជាក់ថាៈក្នុងអាណត្តិជាឯកអគ្គរដ្ឋទូត នៃសាធារណរដ្ឋកូរ៉េប្រចាំកម្ពុជា យើងមានបំណងសហការជាមួយរាជរដ្ឋាភិបាលកម្ពុជាពាក់ព័ន្ឋទៅនឹងផ្នែកបរិស្ថាននិងបំរែបំរួលអាកាសធាតុពាក់ព័ន្ឋទៅនឹងការគ្រប់គ្រងទឹក ការកែលំអគុណភាពទឹកនិងបង្កើតថាំបលកកើតឡើងវិញ និងការធ្វើប្រព្រឹត្តិកម្មកាកសំណល់ ជាដើមផងដែរ។ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប មានប្រសាសន៍គាំទ្រនិងថ្លែងអំណរគុណជាខ្លាំងដល់រដ្ឋាភិបាលនិងប្រជាជននៃសាធារណៈរដ្ឋកូរ៉េដែលតែងតែយកចិត្តទុកដាក់ជួយជ្រោមជ្រែងដល់ព្រះរាជាណាចក្រកម្ពុជាលើគ្រប់វិស័យជាពិសេសរដ្ឋបាលខេត្តសៀមរាប បានភ្ជាប់ទំនាក់ទំនងចងសម្ព័ន្ធមេត្រីភាពជាមួយខេត្ត-ក្រុង
ចំនួន០២ ពោលគឺ បានចុះហត្ថលេខារួមគ្នាលើអនុស្សរណៈនៃការយោគយល់គ្នាជាមួយខេត្តផុងចុងណាំ-ដូ ហើយរដ្ឋបាលខេត្តបានសហប្រតិបត្តិការជាមួយខេត្ត ចំនួន០៣ ផ្សេងទៀតគឺ ខេត្តឈៀងគឺ ខេត្តឈៀងសាំងប៊ុកដូ និងខេត្តកាងវ៉ុន។
ក្រៅពីនេះ យើងឃើញថាចំណងទំនាក់ទំនងសាមគ្គីភាព និងសហប្រតិបត្តិការទ្វេភាគី រវាងប្រទេសជាតិយើងទាំងពីរកាន់តែមានភាពជិតស្និទ្ធគ្រប់វិស័យ ទើបរដ្ឋាភិបាលកូរ៉េបានសម្រេចដាក់ស្ថានកុងស៊ុលកូរ៉េ ប្រចាំខេត្តសៀមរាប កាលពីឆ្នាំ២០១៦។ពាក់ព័ន្ឋទៅនឹងទីតាំងថ្មីសម្រាប់បង្កើតទីលានកប់សំណល់ប្រកបដោយអានាម័យ ឯកឧត្តម អភិបាលខេត្តមានប្រសាសន៍ថា៖នឹងពិភាក្សាជាមួយថ្នាក់ដឹកនាំខេត្ត អាជ្ញាធរមូលដ្ឋានពាក់ព័ន្ឋ និងក្រុមការងាររដ្ឋបាលខេត្តដើម្បីពិនិត្យទៅលើលទ្ឋភាពស្វែងរកនិងកំណត់ទីតាំងថ្មីសម្រាប់បង្កើតទីលានកប់សំណលប្រកបដោយអនាម័យ។
