កម្ពុជា-កូរ៉េ សន្យានឹងបន្តពង្រឹងកិច្ចសហប្រតិបត្ដិការបច្ចេកទេសសុខភាពនិងសុវត្ថិភាពការងារ

ព្រឹកថ្ងៃទី១០ខែធ្នូឆ្នាំ២០១៩នេះ នៅមន្ទីរការងារខេត្ដសៀមរាប រដ្ឋមន្ដ្រីក្រសួងការងារនិងបណ្ដុះបណ្ដាលវិជ្ជាជីវៈ និងទីភ្នាក់ងារសុខភាព និងសុវត្ថិភាពការងារកូរ៉េ KOSHA បានជួបពិភាក្សាការងារ និងបន្តកិច្ចព្រមព្រៀងសហប្រតិបត្តិការបច្ចេកទេសលើវិស័យសុខភាព និងសុវត្ថិភាពការងារ ដើម្បីលើកកម្ពស់សុវត្ថិភាពការងារ និងសុខមាលភាពរបស់បងប្អូនកម្មករនិយោជិតនៅក្នុងព្រះរាជាណាចក្រកម្ពុជា និងពង្រឹងកិច្ចសហប្រតិបត្តិការរវាងប្រទេសទាំងពីរ ។

ឯកឧត្តមត ឡេង តុង ទីប្រឹក្សាអមក្រសួង និងជាប្រធាននាយកដ្ឋានពេទ្យការងារនៃប្រទេសកម្ពុជា បានមានប្រសាសន៍ថា MOUនេះ ធ្វើឡើងក្នុងការពង្រឹងសមត្ថភាពដល់មន្ត្រីទទួលបន្ទុកផ្នែកសុខភាព និងសុវត្ថិភាពការងារកម្ពុជាតាមរយៈការបណ្តុះបណ្តាលមន្ត្រីអធិការពេទ្យការងារ និងមន្ត្រីជំនាញផ្សេងៗទៀតនៅKOSHA រួមចំណែកក្នុងការលើកកម្ពស់ការយល់ដឹងស្តីពីសុខភាព និងសុវត្ថិភាពរបស់កម្មករនិយោជិត រួមមាន៖ ការផលិតបោះពុម្ពខិតប័ណ្ណ ស្លាកសញ្ញាណែនាំ និងផ្សព្វផ្សាយផ្នែកសុខភាព និងសុវត្ថិភាពការងារនៅកន្លែងធ្វើការការ ចាត់បញ្ជូនអ្នកឯកទេសផ្នែកសុខភាពនិងសុវត្ថិភាពការងារ ដើម្បីមកបណ្តុះបណ្តាល មន្ត្រីកម្ពុជាតាមការស្នើសុំរបស់កម្ពុជាការសហការក្នុងការសិក្សាស្រាវជ្រាវ ស្តីពីបញ្ហាសុខភាព និងសុវត្ថិភាពការងារការផ្លាស់ប្តូរព័ត៌មាន និងឯកសារបច្ចេកទេស ស្តីពីសុខភាព និងសុវត្ថិភាពការងារ ។

ក្រសួងការងារ និងបណ្តុះបណ្តាលវិជ្ជាជីវៈ បានរៀបចំកិច្ចព្រមព្រៀងសហប្រតិបត្តិការ ជាមួយទីភ្នាក់ងារសុខភាព និងសុវត្ថិភាពការងារកូរ៉េ(KOSHA)ចាប់តាំងពីឆ្នាំ២០១០មក ដែលនេះជាលើកទី៤ហើយ មានរយៈពេល៣ឆ្នាំម្ដង។កិច្ចព្រមព្រៀងនេះ ធ្វើឡើងក្នុងគោលបំណងដើម្បីគាំទ្រនិងកសាងសមត្ថភាពដល់ប្រទេសកម្ពុជាក្នុងវិស័យសុខភាព និងសុវត្ថិភាពការងារ ព្រមទាំងរួមចំណែកក្នុងការលើកកម្ពស់សុខភាព និងសុវត្ថិភាពការងាររបស់ កម្មករនិយោជិត នៃប្រទេសទាំងពីរព្រះរាជាណាចក្រកម្ពុជា-សាធារណៈរដ្ឋកូរ៉េ ។

ព័ត៌មានជាតិ ថ្មីៗ

សាខាកាកបាទក្រហមកម្ពុជា ខេត្តសៀមរាប នាំយកអំណោយផ្ដល់ជូនក្រុមគ្រួសារយុទ្ធជនពលី នៅស្រុកប្រាសាទបាគង

30/11/2025

រដ្ឋបាលខេត្តសៀមរាប រៀបចំវេទិកាផ្សព្វផ្សាយ និងពិគ្រោះយោបល់នៅស្រុកស្រីស្នំ ដើម្បីស្វែងរកបញ្ហាប្រឈម និងដំណោះស្រាយជូនប្រជាពលរដ្ឋ

20/11/2025

ក្នុងនោះដែរក្រសួងការងារ និងបណ្តុះបណ្តាល ក៏បានធ្វើការសំណូមពរដល់ទីភ្នាក់ងារសុខភាព និងសុវត្ថិភាពការងារកូរ៉េ និងរដ្ឋាភិបាល នៃសាធារណរដ្ឋកូរ៉េគិតគូរនូវលទ្ធភាពក្នុងការ ការពង្រឹងសមត្ថភាពដល់មន្ត្រីទទួលបន្ទុកផ្នែកសុខភាព និងសុវត្ថិភាពការងារកម្ពុជាតាមរយៈការបណ្តុះបណ្តាលមន្ត្រីអធិការពេទ្យការងារ និងមន្ត្រីជំនាញផ្សេងៗទៀតនៅKOSHA ដើម្បីចូលរួមចំណែកក្នុងការលើកកម្ពស់ការយល់ដឹងស្តីពីសុខភាព និងសុវត្ថិភាពរបស់កម្មករនិយោជិត ៕

អត្ថបទ និង រូបភាព ៖ បូ សាវី