សមត្ថកិច្ចស្រុកពួកបានឲ្យដឹងថា នៅវេលាម៉ោង០៨ និង៥០នាទីថ្ងៃទី១៦ ខែធ្នូ ឆ្នាំ២០១៩នេះ នៅចំណុចចន្លោះបង្គោលគីឡូម៉ែត្រលេខ៣៤២-៣៤៣លើផ្លូវជាតិលេខ៦ ក្នុងភូមិគោករុន ឃុំសសរស្តម្ភ ស្រុកពួក ខេត្តសៀមរាប មានហេតុការណ៍គ្រោះចរាចរណ៍មួយបានកើតឡើង ដោយបុរសម្នាក់កំពុងជិ:ម៉ូតូត្រូវបានរថយន្តរត់តាក់ស៊ី បុកចំពេញទំហឹងបណ្ដាលឲ្យអ្នកបើកម៉ូតូស្លាប់ភ្លាមៗនៅកន្លែង ។
សមត្ថកិច្ចបានឲ្យដឹងទៀតថា ករណីគ្រោះថ្នាក់ចរាចរនេះ គឺបង្កឡើងរវាងរថយន្តម៉ាក ស៊ីណា ព៌ណទឹកមាស ផលិតឆ្នាំ២០០៤ ពាក់ផ្លាកលេខភ្នំពេញ ២AB ៤០៦៩ បើកបរដោយជនមិនស្គាល់អត្តសញ្ញាណ បើកបរទិសដៅពីកើតទីលិច បានបុកជាមួយនឹងម៉ូតូ១គ្រឿងម៉ាក ហុងដាឌ្រីម ផលិតឆ្នាំ២០១៤ ព៌ណខ្មៅ ពាក់ផ្លាកលេខសៀមរាប ១k ៨២៣៩ បើកកបរដោយឈ្មោះងឿន រិន ភេទប្រុស អាយុ៣៦ឆ្នាំ នៅភូមិសូន្យសារ ឃុំយាង ស្រុកពួក ខេត្តសៀមរាប បើកបរទិសដៅពីលិចទៅកើត ។
សមត្ថកិច្ចបន្ថែមថា ថាករណីនេះបណ្តាលឲ្យស្លាប់មនុស្ស១នាក់ឈ្មោះងឿន រិន ខូចខាត ម៉ូតូ១គ្រឿងធ្ងន់ រថយន្ត២គ្រឿង ស្រាល១គ្រឿង ធ្ងន់១គ្រឿង ហើយមូលហេតុដែលបណ្ដាលឲ្យមានគ្រោះថ្នាក់ចរាចរនេះ ដោយសារតែអ្នកបើករថយន្តស៊ីណាវ៉ាជែង ខ្វះការប្រុងប្រយ័ត្ន ក្រោយពេលកើតហេតុកម្លាំងជំនាញបានចុះវាស់វែង និងធ្វើកំណត់ហេតុ នឹងបានរឹបអូសវត្ថុតាងយកមករក្សាទុកនៅអធិការស្រុកដើម្បីចាត់ការតាមផ្លូវច្បាប់នៅពេលក្រោយ ហើយចំនែកសាកសពត្រូវបានប្រគល់ជូនក្រុមគ្រួរសារយកទៅធ្វើបុណ្យតាមប្រពៃណី ៕
អត្ថបត និង រូបភាព៖ ខេង ឧត្តម , គឿន វ៉េត
កែសម្រួល៖ អ៊ុន ណារាជ្យ
