នៅវេលាម៉ោង៣រសៀល ថ្ងៃទី ២៣ ខែ ធ្នូ ឆ្នាំ ២០១៩ សមត្ថកិច្ចនគរបាលខេត្តសៀមរាប បានចុះឃាត់ខ្លួនជនជាតិអូស្ត្រាលីមួយរូប ក្នុងករណីប្រើអំពើហិង្សាដោយចេតនា មកលើជនជាតិខ្មែរមួយរូប នៅចំណុចផ្ទះសំណាក់មួយកន្លែង ស្ថិតនៅភូមិវាល សង្កាត់ គោកចក ក្រុងខេត្តសៀមរាប។
តាមការឲ្យដឹងពីសមត្ថកិច្ចនគរបាល ជនជាតិអូស្រ្តាលី រូបនោះ បានវាយមកលើ ជនជាតិ ខ្មែរ ជាអ្នកប្រកបរបររត់រ៉ឺម៉កម៉ូតូកង់បី ចំនួន មួយដៃ ត្រូវចំក្រោមភ្នែកខាងស្តាំ បណ្តាលឲ្យហើមប៉ោង។ បន្ទាប់ពីបញ្ជូនជនបរទេសរូបនេះ មកកាន់ការិយាល័យជំនាញ នៃស្នងការដ្ឋាននគរបាលខេត្តសៀមរាប និងធ្វើការសាកសួរជនរងគ្រោះ និងសាក្សី បានឲ្យដឹងថា ជនបរទេសរូបនេះ តែងតែធ្វើសកម្មភាពវាយទៅលើប្រពន្ធរបស់ខ្លួន ជាជនជាតិខ្មែរ ជាញឹកញាប់និងមានអាការៈដូចជាមនុស្សមានបញ្ហាផ្លូវចិត្ត ដែលពេលខ្លះមិនអាចគ្រប់គ្រងខ្លួនឯងបាន។
បច្ចុប្បន្ន ជនបរទេសរូបនេះ ត្រូវបានបញ្ជូនទៅទីស្នាក់ការ ត្រៀមបណ្តេញចេញប្រចាំខេត្តសៀមរាប ចាត់ការបន្តតាមនីតិវិធី។
ព័ត៌មានជាតិ ថ្មីៗ
អត្ថបទនិង រូបភាព៖ បូ សាវី
កែសម្រួល៖ សេង ផល្លី
