រដ្ឋបាលខេត្តសៀមរាបកំពុងមមាញឹកក្នុងរៀបចំ តុបតែង និងកែលម្អសោភ័ណភាពក្រុងសៀមរាបសម្រាប់ការឆ្លងឆ្នាំសកល

មន្ត្រីសាលាខេត្តសៀមរាប បានឲ្យដឹងថា ក្នុងឱកាសចូលឆ្នាំថ្មី ឆ្នាំសកល២០២០នេះ រដ្ឋបាលខេត្តសៀមរាប បាននឹងកំពុងមមាញឹកក្នុងរៀបចំ តុបតែង និងកែលម្អសោភ័ណភាពសួនសាធារណៈក្នុងក្រុងសៀមរាប សម្រាប់ការឆ្លងឆ្នាំសកលនេះ និង សម្រេចឲ្យរួចរាល់តាមគម្រោងផែនការនាល្ងាចថ្ងៃទី២៤ ខែធ្នូ ឆ្នាំ២០១៩នេះ ព្រមទាំងមានការបើកភ្លើងទាំងអស់ ចាប់ពីថ្ងៃទី២៥ ខែធ្នូ ឆ្នាំ២០១៩នេះ រហូតដល់ចប់ពិធីឆ្លងឆ្នាំសកល ។

មន្ត្រីសាលាខេត្តសៀមរាប បានឲ្យដឹងទៀតថា ជាមួយគ្នានេះ នៅតាមបណ្ដាសណ្ឋាគារ ផ្ទះសំណាក់ ភោជនីយដ្ឋាន ផ្សារចាស់ ផ្សាររាត្រី ផប់ស្ទ្រីត និងគ្រឹះស្ថានឯកជនមួយចំនួន ក៏បានរៀបចំតុបតែង លម្អសោភ័ណភាព ដោយមានដាក់តាំង និង តុបតែងភ្លើងពណ៌បំភ្លឺ ដោយមានតុបតែងជារូបភាព តាមរចនាបទនាសម័យបុរាណខ្លះ សម័យទំនើបខ្លះ និងតាមបែបខាងបច្ចឹមប្រទេសខ្លះផងដែរ ដើម្បីទទួលភ្ញៀវទេសចរជាតិ-អន្តរជាតិ។

មន្ត្រីសាលាខេត្តសៀមរាប បានឲ្យដឹងបន្ថែមទៀតថា ពិធីឆ្លងឆ្នាំសកល ជាកម្មវិធីមានសារៈសំខាន់ សម្រាប់ខេត្តសៀមរាប ពីព្រោះជាតំបន់ទេសចរណ៍ មានសក្តានុពលទាំងភ្ញៀវទេសចរជាតិ និងអន្តរជាតិ ដូចនេះព្រឹត្តិការណ៍នេះ រដ្ឋបាលខេត្តសៀមរាប គ្រោងនឹងរៀបចំការរាប់ថយក្រោយ (Countdown) ឆ្លងឆ្នាំ នាយប់ថ្ងៃទី៣១ ខែធ្នូ ឆ្នាំ២០១៩ នៅសួនច្បារមុខព្រះរាជដំណាក់ក្នុងក្រុងសៀមរាប រួមជាមួយនឹងការប្រគុំតន្ត្រី ការរាំកម្សាន្ត និង ការតាំងពិព័ណ៌លក់ផលិតផលនានា ដូច្នេះ ក្នុងឱកាសនេះ រដ្ឋបាលខេត្តសៀមរាប សូមអំពាវនាវដល់ប្រជាពលរដ្ឋទាំងអស់ អញ្ជើញចូលរួមទស្សនា ឲ្យបានគ្រប់ៗគ្នា ៕

ព័ត៌មានជាតិ ថ្មីៗ

អភិបាលខេត្តសៀមរាប លើទឹកចិត្តដល់ប្រជាពលរដ្ឋ ក្នុងករណីសង្ស័យ មានការឆបោកតាមប្រព័ន្ធបច្ចេកវិទ្យា Online Scams សូមរាយការណ៍ជូនកងកម្លាំង មានសម័ត្តកិច្ច

27/01/2026

មន្រ្ដីជាន់ខ្ពស់ក្រសួងរៀបចំដែនដី នគររូបនីយកម្ម និងសំណង់ ជំរុញដល់ក្រុមការងារបន្ដចុះផ្សព្វផ្សាយ និងស្រង់ទិន្នន័យ នៃការប្រើប្រាស់ដីរបស់ពលរដ្ឋទាំង១១៤ភូមិ នៅក្នុងតំបន់រមណីយដ្ឋានបេតិកភ័ណ្ឌពិភពលោកអង្គរ

27/01/2026

អត្តបទនិងរូបភាព ៖ លោក ខេង ឧត្ដម
កែសម្រួលអត្ថបទ ៖ លោក លីវ សាន្ត