នៅរសៀលថ្ងៃទី២៤ ខែធ្នូ ឆ្នាំ២០១៩ កម្លាំងសមត្ថកិច្ចចម្រុះ ដឹកនាំដោយ លោក អភិបាលស្រុកស្តីទី ស្រុកប្រាសាទបាគង បានចុះល្បាតដែនទឹក ក្នុងភូមិសាស្ត្រ ចាប់ពីចំណុច កន្ទូ រ រហូតដល់ ចំណុច វល្លិ៍ ប្រេង ដែល ស្ថិតនៅក្នុង ឃុំ កំពង់ភ្លុក ស្រុកប្រាសាទបាគង ខេត្តសៀមរាប។
ជាលទ្ធផល កម្លាំងសមត្ថកិច្ចចម្រុះ ដកហូតបាន ក្បាលបរ ចំនួន ៨ គ្រឿង របាំង សាច់អួន ប្រវែង ១,៧០០ ម៉ែត្រ និង ចំរឹងឈើ ចំនួន ៩០០ ដើម លែង កូនត្រីចម្រុះចូលបឹង ធម្មជាតិ វិញ បានចំនួនជាង ២២ គីឡូក្រាម។
តាមការឲ្យដឹងពីលោកវរសេនីយ៍ទោ លឹម សម្បត្តិ អធិការនគរបាល ស្រុកប្រាសាទបាគង នាពេលកន្លងមក ក្នុងឆ្នាំ២០១៩នេះ កម្លាំងសមត្ថកិច្ចស្រុកប្រាសាទបាគង បានធ្វើការបង្រ្កាបបទល្មើសជលផល បានចំនួន ៥ករណី ស្ថិតនៅឃុំកំពង់ភ្លុកតែមួយប៉ុណ្ណោះ។ ដកហូតវត្ថុតាង បានក្បាលបរ ចំនួន ៥៥ គ្រឿង អ៊ុយចំនួន ៣មាត់ ស្បៃមុងប្រវែង ៦,១៥០ម៉ែត្រ បង្គោលចំរឹងចំនួន ៥១៥០ដើម និងប្រលែងកូនត្រីចម្រុះវិញបាន ១៥៥គីឡូក្រាម។
ព័ត៌មានជាតិ ថ្មីៗ
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក សេង ផល្លី
