ថ្ងៃទី២៣ខែធ្នូឆ្នាំ២០១៩ ក្រុមការងារសមាគមអតីតយុទ្ធជនកម្ពុជាខេត្តសៀមរាប បានប្រគល់ផ្ទះមួយខ្នង ជូនដល់គ្រួសារអតីតយុទ្ធជនកម្ពុជាទីទ័លក្រ ក្នុងស្រុកប្រាសាទបាគងខេត្តសៀមរាប របស់សម្តេចមហាសេនាបតីតេជោហ៊ុនសែន និងជាប្រធានសមាគមន៍អតីតយុទ្ធជនកម្ពុជា។
លោក មុំ រ៉ាឌី ជាអតីតយុទ្ធជន និងមានពិការភាព ប្រពន្ធឈ្មោះ មាស ធូក មានកូន៣នាក់ រស់នៅភូមិ បង្កោង ឃុំ អំពិល ស្រុក ប្រាសាទបាគង ខេត្តសៀមរាប។
លើសពីនោះ ក្រុមការងារក៏បាននាំយកនូវ គ្រឿងបរិភោគបរិភោគ ទៅប្រគល់ជូនផងដែររួមមាន អង្ករ ១២៥គ.ក ទឹកត្រី និងទឹកស៊ីអីវ ៦យូរ ទឹកបរិសុទ្ធ ៦យូរ ថវិកា ៤២ម៉ឺនរៀល ព្រមទាំងសម្ភារៈជាច្រើនទៀត។
នាពេលកន្លងមក សម្តេចតេជោ និងសម្តេចគតិព្រឹទ្ធបណ្ឌិត ប៊ុនរ៉ានី ហ៊ុនសែន តែងតែយកចិត្តទុកដាក់ និងគិតគូខ្ពស់ចំពោះគ្រួសារអតីតយុទ្ធជនពិការនៅទូទាំងប្រទេស។ ដើម្បីបុព្វហេតុថែរក្សា និងការពារសុខសន្តិភាពសម្រាប់ជាតិមាតុភូមិ ពួកគាត់បានបូជាសាច់ស្រស់ឈាមស្រស់ និងបានបាត់បង់នូវកាយសម្បទា ដែលជាគុណបំណាច់មិនអាចកាត់ថ្លៃបានឡើយ។
អត្ថបទនិង រូបភាព៖ ថាច់ ពិសុទ្ធ
សម្រួលអត្ថបទ៖ សេង ផល្លី
