នៅថ្ងៃទី២៦ ខែធ្នូ ឆ្នាំ២០១៩ ក្រុមការងារគម្រោង AIMS នៃមន្ទីរពាណិជ្ជកម្មខេត្ត បាបានចុះពិភាក្សាជាមួយឈ្មួញទទួលទិញ និងតាមដានការផលិតបន្លែ ដែលមានអ្នក ចូលរួមសរុប ៣០រូប ក្នុងនោះស្រី១២រូប។
ជាលទ្ធផល នៃចំពោះការពិភាក្សារវាងឈ្មួញទទួលទិញ និងក្រុមអ្នកដាំបន្លែនៅភូមិក្របៅ ឃុំសង្វើយ ស្រុកជីក្រែង ជាលទ្ធផល បរិមាណបន្លែ ដែលបានព្រមព្រៀងក្នុងមួយថ្ងៃរួមមាន:
– ត្រសក់ទ្រើង ៥ ០០០ គីឡូក្រាម
– ត្រសក់ស្រូវ ២ ០០០ គីឡូក្រាម
– ត្រប់ស្រួយ ១០០ គីឡូក្រាម
– ត្រប់វែង ៣០០ គីឡូក្រាម
– ល្ពៅទ្រូ ២០០ គីឡូក្រាម
ក្នុងនោះ កសិករចំនួន ១៩ នាក់ យល់ព្រមផលិតបន្លែទាំង ៥ប្រភេទនេះ ទៅអោយឈ្មួញជាប្រចាំ និងត្រូវធ្វើផែនការ ជាមួយឈ្មួញមុនពេលដាំ។ ដោយឡែកចំពោះ ការទទួលទិញ តម្លៃអាស្រ័យទៅតាមការចចារ ប៉ុន្តែមិនឲ្យទាបជាងឈ្មួញដទៃ។
ចំពោះនៅភូមិតាត្រាវ ឃុំកន្ត្រាំង ស្រុកប្រាសាទ បាគង កសិករចំនួន ២០ នាក់ បានទទួលផលិតបន្លែសុវត្តិភាពផ្គត់ផ្គង់ដល់ក្រុមហ៊ុនមាសបៃតង ប្រភេទបន្លែរួមមាន ខាត់ណាផ្កា សណ្ដែកកួរ ប៉េងប៉ោះ ម្រះ ម្ទេសដៃនាង។ ក្នុងនោះ ការសម្របសម្រួលបច្ចេកដាំដុះ និងតាមដានពីខាងក្រុមហ៊ុនផ្ទាល់។ ក្រុមហ៊ុននឹងផ្តល់តម្លៃលើសពីទីផ្សារជាក់ស្ដែង ៥០០រៀល ចំពោះ កសិករ ដែលផលិតតាមគោលការណ៍របស់ក្រុមហ៊ុន។
អត្តបទនិងរូបភាព៖រដ្ឋបាលខេត្តសៀមរាប
