លោក ម៉ុង ប៊ុនលីម នាយខណ្ឌរដ្ឋបាលព្រៃឈើសៀមរាប បានអះអាងថា ចំពោះករណីរថយន្តដឹកអុសដែលបាន កម្លាំងជំនាញ់ឃាត់បានកាលពីថ្ងៃទី២៩ ខែធ្នូកន្លងទៅ គឺពុំមានការដោះលែងនោះទេ ហើយកម្លាំងជំនាញបានធ្វើការឃាត់ូកបណកដោះអាសន្ននៅរដ្ឋបាលព្រៃឈើស្រីស្នំ ។
លោកបន្ថែមថា ចំពោះរថយន្តដឹកអុសនោះពេលនេះ មិនមានការដោះលែងនោះទេគឺធ្វើការពិន័យអន្តរការណ៍ ដូច្នេះរថយន្តដែលឃាត់នេះ រដ្ឋបាលព្រៃឈើសៀមរាប សូមបញ្ជាក់ថា មិនមែនដូចព័ត៌មានអាចាមអារ៉ាមថា មានការដោះលែងរថយន្តដឹកអុសចំនួន ២គ្រឿងនោះទេ តែជំនាញ់បានឃាត់ទុក និងធ្វើកិច្ចសន្យាមិនឱ្យដឹកបន្តទៀតតែប៉ុណ្ណោះ ។
គួរឲ្យដឹងដែរថា នៅរសៀលថ្ងៃទី២៩ ខែធ្នូ ឆ្នាំ២០១៩ម្សិលមិញនេះ មន្ត្រីរដ្ឋបាលព្រៃឈើសៀមរាប សហការជាមួយនគរបាលស្រុកស្រីស្នំ បានចាប់រថយន្តខ្នាតធំចំនួន ២ គ្រឿង ដែលបានដឹកអុសរួចបញ្ជូនទៅរក្សាទុកសង្កាត់រដ្ឋបាលព្រៃឈើស្រុកស្រីស្នំ ។ ក្នុងនោះដែរ រថយន្តដឹកឈើប្រភេទអុសទាំង២គ្រឿងនោះត្រូវបានប្រភពទម្លាយថា បានដឹកចេញពីភូមិរាជជន្ទល់ ឃុំស្រែខ្វាវ ស្រុកអង្គរជុំខេត្តសៀមរាប ឆ្លងកាត់ស្រុកស្រីស្នំ ។
អត្ថបទ និង រូបភាព៖ ខេង ឧត្តម
