ទីភ្នាក់ងារសម្រាលគ្រោះមហន្តរាយមួយបាននិយាយកាលពីថ្ងៃពុធនេះថា ទឹកជំនន់ដ៏ធំដែលបានវាយប្រហាររដ្ឋធានីហ្សាការតា របស់ប្រទេសឥណ្ឌូណេស៊ី ព្រមទាំងតំបន់បរិមណ្ឌលរបស់ខ្លួននោះ បានសម្លាប់មនុស្សយ៉ាងហោចណាស់៩នាក់ ។
អ្នកនាំពាក្យទីភ្នាក់ងារសម្រាលគ្រោះមហន្តរាយថ្នាក់ជាតិ ( BNPB ) លោក អាហ្គូស វីបូវ៉ូ ( Agus Wibowo ) បាននិយាយនៅក្នុងសេចក្តីថ្លែងការណ៍មួយថា ភ្លៀងយ៉ាងខ្លាំងព្រមទាំងទន្លេដែលមានទឹកហូរហៀរចាប់តាំងពីមុនថ្ងៃចូលឆ្នាំថ្មីនោះ បានហ៊ុព័ន្ធជុំវិញសង្កាត់យ៉ាងហោចណាស់ចំនួន ៩ ។ក្រុមហ៊ុនអគ្គិសនីរដ្ឋ PLN បានបិទអគ្គិសនីជាបណ្តោះអាសន្ន នៅក្នុងតំបន់វាយប្រហារដោយទឹកជំនន់ចំនួន៧២៤ ក្នុងមហាតំបន់ទីក្រុងធំនេះ ដើម្បីការពារកុំឱ្យមានគ្រោះថ្នាក់ដែលទាក់ទងនឹងអគ្គិសនីណាមួយ ។
គ្រោះមហន្តរាយនេះបានផ្លាស់ប្តូរទីកន្លែងមនុស្សរាប់ពាន់នាក់ ព្រមទាំងធ្វើឱ្យរំខានដល់ប្រព័ន្ធដឹកជញ្ជូនជាសាធារណៈនៅក្នុងទីក្រុងហ្សាការតា ដែលជាកន្លែងរស់នៅរបស់មនុស្សជាង១០លាននាក់ និងមនុស្សប្រហែល៣០លាននាក់ ដែលរស់នៅក្នុងតំបន់ជុំវិញរបស់ខ្លួន ៕
( ប្រភព ស៊ីនហួ បកប្រែដោយលោក ប៉ិន មឿន)
