កាលពីពេលថ្មីៗនេះ មានជនខិលខូចមួយរូប មានឈ្មោះ នេត សុជា ដែលបានបន្លំខ្លួន ជាមន្ត្រីជាន់ខ្ពស់របស់ក្រសួងមុខងារសាធារណ និងតម្រូវឲ្យមន្ត្រីនៃមន្ទីរ-អង្គភាព នៅថ្នាក់ខេត្ត-ក្រុង-ស្រុក ក្នុងខេត្តសៀមរាបផ្ដល់ថវិកាដល់ខ្លួន ជាថ្នូរនឹងការជួយសម្របសម្រួល ក្នុងការផ្លាស់ប្ដូរក្របខណ្ឌ និងតម្លើងតួនាទី ជាដើម។
នេះបើតាម សេចក្ដីជូនដំណឹងមួយច្បាប់ របស់មន្ទីរមុខងារសាធារណខេត្តសៀមរាប បានផ្សព្វផ្សាយនៅនៅថ្ងៃទី១៦ ខែមករា ឆ្នាំ២០២០នេះ។
ចំពោះករណីនេះ ថ្នាក់ដឹកនាំនៃមន្ទីរមុខងារសាធារណខេត្តសៀមរាប បានបញ្ជូនឈ្មោះបុគ្គលខាងលើទៅកាន់ ក្រសួងមុខងារសាធារណ តែពុំមានឈ្មោះបុគ្គលនេះ បម្រើការនៅក្នុងក្រសួងឡើយ។
ទន្ទឹមនោះ លោកប្រធានមន្ទីរមុខងារសាធារណខេត្តសៀមរាប ក៏បានអំពាវនាវ និងផ្សព្វផ្សាយ ទៅដល់ថ្នាក់ដឹកនាំ ក៏ដូចជាមន្ត្រីនៃមន្ទីរ-អង្គភាព នៅថ្នាក់ខេត្ត-ក្រុង-ស្រុករបស់រដ្ឋបាលខេត្តសៀមរាបទាំងអស់ សូមកុំចាញ់បោកជនខិលខូចរូបនេះ ក៏ដូចជាជនដទៃទៀត ដែលបានសន្យាដូចរូបភាពខាងលើ។ ជាមួយនោះ លោកប្រធានមន្ទីរ ក៏បានស្នើដល់មន្ត្រីមានសមត្ថកិច្ច ចាត់វិធានការតាមផ្លូវច្បាប់ ចំពោះជនឆបោកខាងលើ។
អត្ថបទ៖ សេង ផល្លី
