កាលពីរសៀលថ្ងៃទី១៥ ខែមករា ឆ្នាំ២០២០ ការដ្ឋានជីកដី ចំនួនពីរកន្លែង ស្ថិតនៅនៅឃុំបាគង ស្រុកប្រាសាទបាគង ខេត្តសៀមរាប ត្រូវបានកម្លាំងចម្រុះខេត្តសៀមរាបធ្វើការផ្អាកសកម្មភាព និងចាត់វិធានការតាមផ្លូវច្បាប់។
ក្នុងប្រតិបត្តិការចុះពិនិត្យនោះ មន្ទីររ៉ែនិងថាមពលខេត្តសៀមរាប សហការជាមួយអាជ្ញាធរស្រុកប្រាសាទបាគង កម្លាំងសមត្ថកិច្ច នៃការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប បានធ្វើការផាកពិន័យតាមមាត្រ៣៥ថ្មី ច្បាប់ស្តីពីវិសោធនកម្ម នៃច្បាប់ស្តីពីការគ្រប់គ្រង និងការធ្វើអាជីវកម្មធនធានរ៉ែ។ ក្នុងនោះ បានផ្អាកសកម្មភាពគ្រឿងចក្រនៅនឹងកន្លែងរួមមាន៖ទីតាំងទី១ ការដ្ឋានជីកបកដីស្រែ ទំហំ ៣០ម៉ែត្រX៦០ម៉ែត្រ Xជម្រៅ០,៤ម៉ែត្រ មានអេស្ការចំនួន ៣គ្រឿង ថាយល័រ ១គ្រឿង ប៊ុលដេស័រ ១គ្រឿង ឡានស្រោចទឹក ១គ្រឿង ឡានដឹកដី ១គ្រឿង
និងទីតាំងទី២ ការដ្ឋានជីកបកដីស្រែ ទំហំ ៣០ម៉ែត្រX៥០ម៉ែត្រ Xជម្រៅ០,៤ម៉ែត្រ មានអេស្ការចំនួន ១គ្រឿង ប៊ុលដេស័រ ១គ្រឿង៕
ព័ត៌មានជាតិ ថ្មីៗ
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក សេង ផល្លី
