ថ្ងៃទី២១ ខែមករា ឆ្នាំ២០២០ ព្រះចៅអធិការវត្តលុម្ភិនីល្បើកចន្លោង ហៅវត្តចន្លោង ស្ថិតនៅ សង្កាត់ស្រង៉ែ ក្រុងសៀមរាប បាននាំយកទេយ្យទានមួយចំនួន ជូនដល់សាខាកាកបាទក្រហមកម្ពុជា ខេត្តសៀមរាប ដើម្បីចាត់ចែងជួយដល់ប្រជាពលរដ្ឋរងគ្រោះ និងងាយរងគ្រោះបំផុតក្នុងបេសកកម្មមនុស្សធម៌របស់ខ្លួន ។
លោក ស៊ុ សំអន នាយកសាខាកាកបាទក្រហមកម្ពុជា ខេត្តសៀមរាប បានថ្លែងអំណរព្រះគុណ យ៉ាងជ្រាលជ្រៅចំពោះទឹកព្រះទ័យដ៏សប្បុរសធម៌របស់ព្រះតេជគុណចៅអធិការវត្តលុម្ភិនីល្បើកចន្លោង ក្នុងការយកព្រះទ័យទុកដាក់ចូលរួមចំណែកសកម្មភាពមនុស្សធម៌។ ក្នុងព្រះកាយវិកាដ៏មនុស្សធម៌នេះ គឺជាការចូលរួមរបស់ព្រះពុទ្ធសាសនា ជាមួយសកម្មភាពមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។ ទេយ្យទានទាំងនេះ សាខាកាកបាទក្រហមកម្ពុជា ខេត្តសៀមរាប នឹងយកទៅប្រើប្រាស់ឱ្យចំគោលដៅមនុស្សធម៌ ដោយមិនប្រកាន់ ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ស្របតាមគោលការណ៍គ្រឹះទាំង៧ប្រការរបស់ចលនាអន្តរជាតិកាកបាទក្រហម អឌ្ឍចន្ទក្រហម។
ទេយ្យទានដែលបានទទួលរួមមាន៖ អង្ករ៥០គ.ក្រ ទឹកសុទ្ធ១កេស មី១កេស ត្រីខ១យួរ ខ្ទះ៥ ស្រាក់១៨ ទឹកដោះគោខាប់៥កំប៉ុង ស្ករស ៥គីឡូក្រាម កាហ្វេ ១កែវ ត្បាល់បុកគ្រឿង ២៩ ជ្រុញ៧៥ ចង្អើអាំងសាច់ ១១ និងសម្ភារមួយចំនួនទៀត។
អត្ថបទ និង រូបថត ៖ លោក យូ វង្ស
កែសម្រួលអត្ថបទ ៖ លោក សេង ផល្លី
