សមត្ថកិច្ចស្រុកស្វាយលើបានឲ្យដឹងថា ម៉ោង ២១ និង១០នាទី នៅថ្ងៃទី២០ ខែមករា ឆ្នាំ២០២០នេះ មានករណីគ្រោះថ្នាក់ចរាចរណ៍មួយបានកើតឡើង នៅត្រង់ចំណុចត្រពាំងរាំង ភូមិជប់ក្រោម ឃុំស្វាយលើ ស្រុកស្វាយលើ ខេត្តសៀមរាប ។
សមត្ថកិច្ចបានឲ្យដឹងទៀតថា ករណីគ្រោះថ្នាក់នេះបង្ករឡើងដោយបុរសម្នាក់ឈ្មោះ ញ៉ាញ់ ភុន អាយុ ៤០ឆ្នាំ មានទីលំនៅក្នុងភូមិថ្មី ឃុំស្វាយលើ ស្រុកស្វាយលើ ខេត្ដសៀមរាប បានបើកបរម៉ូតូក្នុងស្ថានភាពស្រវឹង លុះមកដល់កន្លែងកើតហេតុខាងលើក៏ជ្រុលចង្កូតធ្លាក់ផ្លូវបណ្ដោលអោយដួលបាក់កស្លាប់ភ្លាមៗនៅនិងកន្លែង ។ ក្រោយកើតហេតុសមត្ថកិច្ចបានចុះធ្វើការពិនិត្យ និងវាស់វែងកន្លែងហេតុរួចរាល់ សមត្ថកិច្ចក៏បានប្រគល់សាកសពជនរងគ្រោះអោយទៅក្រុមគ្រួសារយកទៅធ្វើបុណ្យតាមប្រពៃណី ៕
ព័ត៌មានជាតិ ថ្មីៗ
អត្ថបទ និង រូបភាព៖ ថាច់ ពិសុទ្ធ
