កាលពីថ្ងៃទី២២ ខែមករា ឆ្នាំ២០២០ លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទ រួមនិងមន្ត្រីជំនាញ បានចុះវាយតម្លៃថា ព្រៃចម្ការក្រញូង និងកូនឈើផ្សេងៗ ស្ថិតក្នុងភូមិត្រពាំងថ្ម ឃុំឃុនរាម ស្រុកបន្ទាយស្រី ខេត្តសៀមរាប ដែលជនខិលខូចលួចដុត មានការខូចខាតអស់ទំហំ ២០.៣៤៤ហិកតា ។
ករណីលួចដុតព្រៃ ដើម្បីទន្ទ្រាន យកដីព្រៃរបស់រដ្ឋធ្វើជាកម្មសិទ្ធិផ្ទាល់ខ្លួននេះ បានកើតឡើងកាលពីវេលាម៉ោងប្រមាណ៤រសៀល ថ្ងៃទី២១ ខែមករា ឆ្នាំ២០២០។ ក្នុងការពន្លត់ភ្លើងនេះ ដឹកនាំដោយ គណៈបញ្ជាការឯកភាពរដ្ឋបាលខេត្តសៀមរាប និងមានការចូលរួមពីអាជ្ញាធរមូលដ្ឋាន មន្ទីរ អង្គភាពជំនាញពាក់ព័ន្ធ យោធភូមិទី៤ និងវិទ្យាស្ថានស្រាវជ្រាវព្រៃឈើ និងសត្វព្រៃ រួមនិងប្រើប្រាស់ត្រាក់ទ័រ ២គ្រឿង និង បានពន្លត់ភ្លើងទាំងស្រុងនៅវេលាម៉ោង ជិត១០យប់ នាថ្ងៃខែឆ្នាំដដែល។
គណៈបញ្ជាការឯកភាពរដ្ឋបាលខេត្ត បានណែនាំឲ្យសមត្ថកិច្ចជំនាញ បន្តស្រាវជ្រាវរកជនបង្ក ដើម្បីចាត់វិធានការតាមផ្លូវច្បាប់។
ព័ត៌មានជាតិ ថ្មីៗ
រដ្ឋបាលខេត្តសៀមរាប ក៏បានឲ្យដឹងថា ខេត្តគ្រោងនឹងរៀបចំពិធីដាំកូនឈើឡើងវិញនៅចំណុចភ្លើងឆេះនេះដដែល នារដូវវស្សាឆ្នាំ២០២០ខាងមុខនេះ និងបានវិស័យឯកជន បងប្អូនប្រជាពលរដ្ឋ សិស្ស និស្សិត និងសាធារណជនទូទៅ ចូលរួមឲ្យបានចូលរកុះករ។
អត្ថបទ និង រូបថត ៖ លោក ម៉ី សុខារិទ្ធ និងសាលាខេត្ត
កែសម្រួលអត្ថបទ ៖ លោក សេង ផល្លី
