នៅព្រឹកថ្ងៃទី២៣ ខែមករា ឆ្នាំ ២០២០ អាជ្ញាធរខេត្តសៀមរាប សហការជាមួយអាជ្ញាធរក្រុង ចុះបិទទីតាំងការដ្ឋានសំណង់ខុសច្បាប់ រំលោភលើផ្លូវ និងប្រឡាយសាធារណៈ មួយកន្លែងស្ថិតនៅក្នុងភូមិស្ទឹងថ្មី សង្កាត់ស្វាយដង្គុំ ក្រុងសៀមរាប។
អាជ្ញាធរខេត្ត បានឲ្យដឹងថា ក្រោយពីជំនាញ និងអាជ្ញាធរពាក់ព័ន្ធ បានធ្វើការវាស់វែងរួចរាល់ ខាងអាជ្ញាធរខេត្ត បានហៅម្ចាស់ទីតាំង និង អ្នកគ្រប់គ្រងការដ្ឋាន ធ្វើកិច្ចសន្យា រុះរើចេញដោយខ្លួនឯង ក្នុងរយៈពេលពីរថ្ងៃ គិតចាប់ពីថ្ងៃធ្វើកិច្ចសន្យានេះ។
អាជ្ញាធរខេត្ត បានបញ្ជាក់ថា ក្នុងករណី ភាគីម្ចាស់សំណង់ មិនព្រមរុះរើដោយខ្លួនឯងតាមការកំណត់នោះទេ អាជ្ញាធរខេត្ត និងក្រុងនឹងចាត់វិធានការរុះរើតាមផ្លូវច្បាប់៕
អត្ថបទ និង រូបថត ៖ លោក ខេង ឧត្តម
កែសម្រួលអត្ថបទ ៖ លោក សេង ផល្លី
