សមត្ថកិច្ចនគរបាលស្រុកប្រាសាទបាគង បានឲ្យដឹងថា កាលពីវេលាម៉ោង០៣និង៤៥នាទីទៀបភ្ភឺ ថ្ងៃទី០៦ ខែកុម្ភៈ ឆ្នាំ២០២០នេះ កម្លាំងនគរបាលនៃអធិការដ្ឋាននគរបាលស្រុកប្រាសាទបាគង បានបង្រ្កាបករណីចោរកម្ម (លួចគោ) មានគោមេចំនួន២ក្បាល , ម៉ូតូសណ្តោងរុីម៉ក១គ្រឿង និង ម៉ូតូម៉ាកស៊ុម័តព៌ណក្រហម១គ្រឿង នៅចំណុចភូមិលលៃ ឃុំបាគង ដោយឃាត់ខ្លួនជនសង្ស័យចំនួន២នាក់ រួមមាន ៖ 1. ឈ្មោះ សៅ ភ្លឿយ ភេទប្រុស អាយុ៤៤ឆ្នាំ មានទីលំនៅភូមិត្រាវគៀត ឃុំដានរុន ស្រុកសូទ្រនិគម និង 2 .ឈ្មេាះ សំ ជា ភេទប្រុស អាយុ៥០ឆ្នាំ មានទីលំនៅភូមិបាតត ឃុំគោកធ្លកក្រោម ស្រុកជីក្រែង ។
សមត្ថកិច្ចបានឲ្យដឹងទៀតថា ជនសង្ស័យទាំងពីរនាក់នេះ ត្រូវបាននាំខ្លួនយកទៅអធិការដ្ឋាននគរបាលស្រុក ដេីម្បីសាកសួរនិងកសាងសុំណុំរឿងបញ្ជូនខ្លួនជនសង្ស័យទាំងពីរនាក់នេះទៅការិយាល័យជំនាញនៃស្នងការដ្ឋាននគរបាលខេត្ត ដេីម្បីអនុវត្តនីតិវិធីបន្ត ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ដ
ព័ត៌មានជាតិ ថ្មីៗ
