ឃាត់ខ្លួនបុគ្គលិកភោជនីយដ្ឋានម្នាក់ ក្នុងករណីឆក់ទូរស័ព្ទជនបរទេស ខាងមុខប្រាសាទក្រវ៉ាន់

កាលពីថ្ងៃទី១៧ ខែកុម្ភ: ឆ្នាំ២០២០ កម្លាំងប៉ុស្ដិ៍នគរបាលនគរធំ សហការជាកម្លាំងគោលដៅរបស់អង្គភាពបេតិកភណ្ឌ បានឃាត់ខ្លួនជនសង្ស័យមួយរូប ពាក់ព័ន្ធករណីឆក់ទូរស័ព្ទដៃពីជនបរទេស ស្ថិតនៅខាងមុខប្រាសាទក្រវ៉ាន់ ស្ថិតក្នុងភូមិក្រវ៉ាន់ សង្កាត់នគរធំ ក្រុងសៀមរាប ខេត្តសៀមរាប។

សមត្ថកិច្ច បានឲ្យដឹងថាជនសង្ស័យរូបនេះ មានមុខរបរជាជំនួយការចុងភៅ ក្នុងភោជនីយដ្ឋានមួយក្នុងខេត្តសៀមរាប និងមានស្រុកកំណើតក្នុងខេត្តព្រៃវែង។ បច្ចុប្បន្នជនសង្ស័យរូបនេះ ស្នាក់នៅបន្ទប់ជួលក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប។

សមត្ថកិច្ច បានឲ្យដឹងទៀតថា ក្រោយពីបញ្ជូនជនសង្ស័យរូបនេះ មកកាន់ប៉ុស្ដិ៍នគរបាលរដ្ឋបាលកម្លាំងផ្នែកជំនាញ សមត្ថកិច្ចរកឃើញថា ជនសង្ស័យរូបនេះ បានប្រើប្រាស់សារធាតុញៀនខុសច្បាប់។ ជាមួយនោះ កម្លាំងប៉ុស្ដិ៍ មន្ត្រីនគរបាលផ្នែកព្រហ្មទណ្ឌក្រុង និងនគរបាលអង្គភាពទេសចរណ៍ បានដកហូតវត្ថុតាងទូរស័ព្ទដៃម៉ាក IPhone 10XR ពណ៌ខ្មៅ មួយគ្រឿង និងបានប្រគល់ឲ្យជនរងគ្រោះវិញ។ ដោយឡែកជនសង្ស័យ សមត្ថកិច្ចជំនាញ បានកសាងសំណុំរឿង ដើម្បីបញ្ជូនទៅសាលាដំបូងខេត្តសៀមរាប អនុវត្តទៅតាមនីតិវិធី៕

ព័ត៌មានជាតិ ថ្មីៗ

សមាគមចលនាយុវជនកម្ពុជា ក្រុម១៥៧ សាខាខេត្តសៀមរាប នាំយកទៀនវស្សា ទេយ្យវត្ថុ និងបច្ច័យប្រគេនដល់ព្រះសង្ឃគង់ចាំព្រះវស្សាក្នុងវត្តចំនួនពីរ ក្នុងស្រុកវ៉ារិន

30/07/2021

អាជ្ញាធរខេត្តសៀមរាប បើកកិច្ចប្រជុំពិភាក្សាលើការគ្រប់គ្រងសំរាម សំណល់រឹង សំណល់ផ្ទះបាយ និងសំណល់វេជ្ជសាស្ដ្រតាមមណ្ឌលចត្តាឡីស័ក និងមណ្ឌលព្យាបាលជំងឺកូវីដ-១៩ កម្រិតស្រាលក្នុងក្រុងសៀមរាប

30/07/2021

អត្ថបទ និង រូបភាព៖ ថាច់ ពិសុទ្ធ
កែសម្រួល៖ សេង ផល្លី