បើតាមសមត្ថកិច្ចបានឲ្យដឹងថា នៅព្រឹកថ្ងៃទី២៥ ខែកុម្ភះ ឆ្នាំ២០២០នេះ ជនសង្ស័យចំនួន ២នាក់ ត្រូវបានសមត្ថកិច្ចនគរបាលប្រឆាំងគ្រឿងញៀន បញ្ជូនខ្លួនទៅសាលាដំបូងខេត្តជាប់ពាក់ព័ន្ធករណីគ្រឿងញៀន ។
សមត្ថកិច្ចបានឲ្យដឹងទៀតថា ជនសង្ស័យទាំង០២នាក់រួមមាន ៖ទី១.ឈ្មោះ ផន រ៉ាយូរ ភេទប្រុស ឆ្នាំកំណើត ១៩៨៧ ជនជាតិ ខ្មែរ មុខរបរ គ្មាន មាន ទីលំនៅភូមិ គោកមន ឃុំដំដែក ស្រុកសូទ្រនិគម ខេត្តសៀមរាប ,ទី២.ឈ្មោះ នង ហាក់ឡេង ភេទប្រុស ឆ្នាំកំណើត១៩៩៣ជនជាតិខ្មែរ មុខរបរគ្មាន មានទីលំនៅភូមិ វត្តដំណាក់ សង្កាត់ សាលាកំរើក ក្រុង/ខេត្តសៀមរាប ជាប់ពាក់ព័ន្ធករណី រក្សាទុក និងប្រើប្រាស់នូវសារធាតុញៀន និងមានសារធាតុញៀននៅក្នុងខ្លួន ។
សមត្ថកិច្ចបញ្ជាក់ថា ជនស្ស័យទាំង ០២នាក់ ត្រូវបាននគរបាលប្រឆាំងគ្រឿងញៀន ការសហការជាមួយកំលាំងអធិការដ្ឋាននគរបាលស្រុកសូទ្រនិគម និងកំលាំងអធិការដ្ឋាននគរបាលក្រុងសៀមរាបកម្លាំងសមត្ថកិច្ចបានចុះបង្ក្រាប បទរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន ឃាត់ខ្លួនបានកាលពីថ្ងៃទី២៤ ខែកុម្ភៈ ឆ្នាំ២០២០នៅចំនុចលំនៅដ្ឋានស្ថិតនៅភូមិ គោកមន ឃុំដំដែកស្រុកសូទ្រនិគមនិងនៅចំនុចលំនៅដ្ឋានស្ថិតនៅភូមិវត្តដំណាក់ សង្កាត់សាលាកំរើក ក្រុងខេត្តសៀមរាប ។
ព័ត៌មានជាតិ ថ្មីៗ
ក្នុងប្រតិបត្តិការណ៍នេះដែរ កម្លាំងជំនាញ បានដកហូតបានវត្ថុតាងបានមួយចំនួនរួមមាន៖ ម្ស៉ៅមេតំហ្វេតាមីនប្រភេទទឹកកកចំនួន ២០កញ្ចប់ស្មើនឹងទម្ងន់០,៥ក្រាមទាំងសំបក ,ឧបករណ៏ប្រើប្រាស់គ្រឿងញៀននិងសំភារៈវេចខ្ចប់គ្រឿងញៀនមួយចំនួន ទូរស័ព្ទដៃចំនួន ០១គ្រឿង និងបានបញ្ចូនខ្លួនជនសង្ស័យខាងលើទៅសាលាដំបូងខេត្ត នៅព្រឹកថ្ងៃទី២៥ ខែកុម្ភៈ ឆ្នាំ២០២០នេះ ដេីម្បីចាត់ការបន្តទៅតាមផ្លូវច្បាប់ ៕
អត្ថបទ និង រូបភាព៖ ថាច់ ពិសុទ្ធ
កែសម្រួល៖ អ៊ុន ណារាជ្យ
