សម្រាប់កិច្ចប្រជុំសាមញ្ញប្រចាំសប្តាហ៏របស់ថ្នាក់ដឹកនាំ ក្រសួងព័ត៌មានដែលបាន ប្រព្រឹត្ត ទៅនាព្រឹកថ្ងៃទី ០៩ ខែ មីនា ឆ្នាំ ២០២០ ក្រោមវត្តមានប្រធានអង្គប្រជុំ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានផ្តោតជាសំខាន់លើកិច្ចការងារ ដែលក្រសួងព័ត៌មាន ត្រូវធ្វើគឺ ការងារពន្លឿនការរៀបចំសេចក្តីព្រាងច្បាប់ ស្តីពីសិទ្ធិទទួលព័ត៌មាន ការចូលរួម ផ្សព្វផ្សាយ កម្មវិធីទិវាកិច្ចប្រជុំអាស៊ីអឺរ៉ុប និងដំណើរការរៀបចំចងក្រងសៀវភៅស្តីពីកម្ពុជា ដោយធ្វើយ៉ាងណាអោយបានហើយរួចរាល់នៅមុន ខែវិច្ឆិកា ឆ្នាំ២០២០ ដើម្បីទុកចែកជូន ថ្នាក់ដឹកនាំ និងសមាជិក សមាជិកា ដែលបានមកចូលរួមកិច្ចប្រជុំ កំពូល អាស៊ីអឺរ៉ុប ដែលកម្ពុជាធ្វើជាម្ចាស់ផ្ទះ។
នៅក្នុងឱកាសនៃកិច្ចប្រជុំប្រចាំសប្តាហ៏ ខែមីនា នេះដែរ ឯក ឧត្តម លោកជំទាវ ជាអគ្គ នាយកទាំង ៥ ចំណុះអោយ ក្រសួង ព័ត៌មាន ជារដ្ឋលេខាធិការ អនុរដ្ឋលេខាធិការ ដែល ទទួលបន្ទុកតាមផ្នែក និងជំនាញនីមួយៗ បានធ្វើរបាយការណ៏បូកសរុបរួមពីការងារសំខាន់ៗ ដែលសម្រេច អនុវត្តន៏ បានក្នុងរយះពេញ មួយសប្តាហ៏កន្លងមកនេះ និងលើកជា ផែនការសម្មភាព ទិសដៅ ការងារ ដែលបន្តបំពេញ នៅសប្តាហ៏បន្ទាប់ទៀត អោយបានកាន់ តែល្អបន្ថែមទៀត។
កិច្ចប្រជុំប្រចាំសប្តាហ៏នេះដែរ ក៏មានការលើកឡើងពីការ រួមគ្នាគ្រប់ផ្នែក គ្រប់ជំនាញ ក្នុងការបន្តប្រយុទ្ធប្រឆាំង និងព័ត៌មានក្លែងក្លាយកើតមានឡើងនៅក្នុងបណ្តាញផ្សព្វផ្សាយសង្គម ដែលនាំអោយមានការបំពុលដល់សង្គម ធ្វើអោយមានការយល់ច្រឡំ ពិសេសបញ្ហាជំងឺផ្លូវដង្ហើមកូរ៉ូណា កូវីត១៩ ដែលមានផេក និងអាខោនFacebookខ្លះ បានសរសេរ ផ្សព្វផ្សាយព័ត៌មានមិនពិតធ្វើអោយការជ្រួលច្របល់នៅក្នុងសង្គម ។
ទាក់ទងបញ្ហានេះ ឯក ឧត្តម រដ្ឋមន្រ្តី ខៀវ កាញារីទ្ធ បានជម្រុញដល់គ្រប់ផ្នែកគ្រប់ជំនាញ ត្រូវពិនិត្យតាមដានអោយបាននូវក្រុមដែលតែងតែ ផ្សព្វផ្សាយព័ត៌មានមិនពិត ដើម្បីមានវិធានការអនុវត្តន៏ តាមផ្លូវច្បាប់ ជាពិសេសការផ្សាយបំភ្លើស អំពីព័ត៌មានក្លែងក្លាយហើយ តាមរយះនេះ ស្ថាប័នផ្សព្វផ្សាយ របស់ជាតិត្រូវផ្សព្វផ្សាយអោយបាន ទូលំទូលាយ នូវរាល់ ព័ត៌មាន និងដំណឹងទាំងឡាយដែលទទួលបាន ពីក្រសួង សុខាភិបាល ព្រោះជាដំណឹងពិត ដែលមានការពិនិត្យតាមដាន វាយតំលៃ ត្រឹមត្រូវតាមលក្ខណះ បច្ចេកទេស វិជ្ជសាស្រ្ត ។
ជាមួយនេះ ឯក ឧត្តម រដ្ឋមន្រ្តី បានជម្រុញដល់មន្រ្តី ព័ត៌មាន នៅតាមបណ្ដាខេត្ត ក្រុង សរសេរ ផ្សព្វផ្សាយអោយបានច្រើន ពីការខិតខំប្រឹងប្រែងបំពេញការងារពិនិត្យតាមដាន និងព្យាបាល ជំងឺ កូវីត ១៩ ក៏ដូចជាវិធានការជាច្រើនរបស់ក្រសួង សុខាភិបាលបានដាក់ចេញ ដើម្បីបង្ការ និងការពារកុំអោយ មេរោគនេះរីករាយដាល បន្តទៅទៀត។ ដោយឡែក ឯក ឧត្តម រដ្ឋមន្រ្តី ក៏បាន ជម្រុញដល់ក្រុមការងាររៀបចំតាក់តែងសេចក្តីព្រាងច្បាប់ ស្តីពីសិទ្ធទទួលព័ត៌មាន សហការ ជាមួយជាមួយក្រុមអ្នកច្បាប់ ក្រសួង យុត្តិធម៏ ក្នុងការ ពន្លឿន នៃការរៀបចំច្បាប់នេះ ក្នុង មាត្រា នៃទោសបញ្ញាត្តិ អោយបានរួចរាល់ឆាប់ៗ ដើម្បី បញ្ជូនទៅទីស្តីការគណៈរដ្ឋមន្រ្តី ប្រជុំ ពិនិត្យ សម្រេច។
នៅក្នុងឱកាសនោះ ឯក ឧត្តម រដ្ឋមន្រ្តី ខៀវ កាញារីទ្ធ បានសំដែងនូវការកោតសរសើរ ចំពោះលទ្ធផលការងារ របស់ថ្នាក់ដឹកនាំ មន្រ្តីរាជការ គ្រប់ផ្នែកគ្រប់ជំនាញទាំងអស់ នៃ ក្រសួង ព័ត៌មាន ដែលបានប្រឹងប្រែងរួមសហការគ្នា សម្រេចបានលទ្ធផលការងារជាច្រើន ។ ដូច្នេះអ្វីដែលសំខាន់បន្តទៅមុខទៀត គឺការរួមសហការសាមគ្គីគ្នា ក្នុងការបំពេញបេសកកម្ម ការងារចំពោះមុខជាច្រើនទៀត ដែលក្រសួង ព័ត៌មាន ត្រូវបំពេញអោយបានល្អ ដើម្បីបំរើដល់ ផលប្រយោជន៏ របស់ប្រជាពលរដ្ឋ ។ ឆ្លៀតក្នុងឱកាសនោះដែរ ឯក ឧត្តម រដ្ឋមន្រ្តី បានអោយថ្នាក់ដឹកនាំទស្សនាវដ្តីកម្ពុជា ត្រូវកែលំអរគុណភាពផ្សាយ ក្រៅតែពីការផ្សាយពីបញ្ហានយោបាយ និងដំណឹងផ្សេងៗ គឺត្រូវបង្កើតជាថ្មីចំនួន សម្រាប់ ចុះផ្សាយតែស្ថានភាព មន្រ្តីរាជការ នៅក្នុង ក្រសួង ព័ត៌មាន ដូចជាទំព័រ សម្រាប់ចុះផ្សាយ ពីស្នាដៃ នានារបស់ថ្នាក់ដឹកនាំ មន្រ្តីរាជការសម្រេច និងទទួលបាន។ ទំព័រទស្សនាវដ្តី ចុះផ្សាយអំពីការរៀបការ របស់ មន្រ្តី រាជការ និងទំព័រ បុណ្យសព របស់មន្ត្រីថ្នាក់ដឹកនាំ ដែលបានទទួលមរណះភាព។ ការដែល ធ្វើរបៀប នេះ គឺដើម្បីអោយ ថ្នាក់ដឹកនាំ និងមន្រ្តីទាំងអស់ចាត់ទុកទស្សនាវដ្តីកម្ពុជា ជារបស់យើងទាំងអស់គ្នា និងក្លាយទៅជាទស្សនាវដ្តី គ្រួសារ ក្រសួងព័ត៌មាន ៕
