បុរសម្នាក់បានស្លាប់ក្នុងករណីគ្រោះថ្នាក់ចរាចរណ៍

នគរបាលស្រុកស្វាយលើបានឲ្យដឹងថា មានករណីគ្រោះថ្នាក់ចរាចរណ៍ មួយបានកើតឡើង នៅថ្ងៃទី08 ខែមីនា ឆ្នាំ 2020 នៅវេលាម៉ោង 20 និង 05នាទី នៅត្រង់ចន្លោះបង្គោលគីឡូម៉ែត្រលេខ 58-59 ស្ថិតនៅភូមិអូរប្រាំព្យាម ឃុំស្វាយលើ ស្រុកស្វាយលើ ខេត្តសៀមរាប រវាងរថយន្តនិងម៉ូតូ ។

សមត្ថកិច្ចបានបន្តថា៖រថយន្តម៉ាកTacoma សេរីឆ្នាំ1998 ពណ៌ខ្មៅ ពាក់ស្លាកលេខ ភ្នំពេញ 2L:3096 អ្នកបើកបរបានគេចខ្លួនបាត់ ឯជនរងគ្រោះឈ្មោះ ព្រួន គុណ ភេទប្រុស អាយុ29 ឆ្នាំ រស់នៅភូមិអង្កាញ់ ឃុំស្វាយលើ ស្រុកស្វាយ បើកម៉ូតូម៉ាក wave សេរីឆ្នាំ 2018 ពណ៌ខ្មៅ ស្លាកលេខគ្មាន បណ្ដាលឱ្យស្លាប់ពេលបញ្ជូនដល់មន្ទីរពេទ្យ ។

សមត្ថកិច្ចបានបន្តទៀតថា មូលហេតុ អ្នកបើកបរម៉ូតូ បើកបរមិនប្រកាន់ស្តាំ ហើយមានជាតិស្រវឹងនៅក្នុងខ្លូនផង កម្លាំងជំនាញបានចុះទៅវាស់វែងនិងដកហូតវត្ថុតាងយកមករក្សាទុកនៅអធិការដ្ឋាននគរបាលស្រុកដើម្បីអនុវត្តនីតិវិធីបន្ត។