ករណីគ្រោះថ្នាក់ចរាចរបានកើតឡើងនៅលើកំណាត់ផ្លូវកៅស៊ូចំណុចភូមិថ្នល់ ឃុំតាសោម ស្រុកអង្គរជុំ ខេត្តសៀមរាប នៅថ្ងៃទី០៨ ខែមីនា ឆ្នាំ២០២០ វេលាម៉ោង១៧:២០នាទី រវាងរថយន្តម៉ាក ហាយឡិនដឺ ពណ៌ទឹកប្រាក់ ពាក់ស្លាកលេខភ្នំពេញ 2I-9945 និងម៉ូតូ។
សមត្ថកិច្ចបានបញ្ចាក់ថា អ្នកបើកបររថយន្តដោយឈ្មោះ ឈិត ឈន ភេទប្រុស អាយុ54ឆ្នាំ មានទីលំនៅភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តមានជ័យ បើកបរទិសដៅពីជើង ទៅត្បូងបានបុក និងម៉ូតូម៉ាកហុងដាឌ្រីម សេ១២៥ ពណ៌ខ្មៅ សេរី២០១២ ពាក់ស្លាកលេខ បន្ទាយមានជ័យ 1F 2298 បើកបរ ដោយ ឈ្មោះ ភិត ខ្នោ ភេទប្រុស អាយុ60 ឆ្នាំ ដែលរស់នៅភូមិម្កាក់ ឃុំតាសោម ស្រុកអង្គរជុំ ខេត្តសៀមរាប បណ្ដាលឲ្យស្លាប់ពេលបើកបរឆ្លងកាត់ផ្លូវដោយខ្វះការប្រុងប្រយ័ត្ន ។ សមត្ថកិច្ចបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី ចំណែករថយន្ត និងម៉ូតូរក្សាទុកនៅអធិការដ្ឋាននគរបាលស្រុកអង្គជុំរង់ចាំដោះស្រាយតាមនីតិវិធី ។
អត្ថបទ និងរូបភាព៖ គឿន វេត
កែសម្រួល៖ ហាំ ម៉េងហួត
