ម៉ាស់ចំនួន៣ពាន់ ទឹកបរិសុទ្ធសុទ្ធ៥០កេសនិងមី៣៦កេះត្រូវបានសាខាកាកក្រហមកម្ពុជាខេត្តសៀមរាបប្រគល់ជូនមន្ទីរបង្អែកខេត្តសៀមរាប

នៅរសៀលថ្ងៃទី០៩ ខែមីនា ឆ្នាំ២០២០នេះ លោកជំទាវ ទាង អេង ទៀសីហា អនុប្រធានគណៈកម្មាធិការសាខាកាកបាទ ក្រហមកម្ពុជាខេត្តសៀមរាប និងសហការី បានអញ្ជើញជួបសំណេះសំណាល និងនាំយកអំណោយមនុស្សធម៌មួយចំនួនរួមមាន : ម៉ាស់ចំនួន ៣ពាន់ , ទឹកបរិសុទ្ធសុទ្ធ ៥០កេស និង មី ៣៦កេះ ឧបត្ថម្ភដល់មន្ទីរពេទ្យបង្អែកខេត្តសៀមរាប ។

នាឱកាសនោះ លោកជំទាវអនុប្រធានគណៈកម្មាធិការសាខា បានពាំនាំនៅប្រសាសន៍ផ្ដាំផ្ញើសួរសុខទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តម ទៀ សីហា ប្រធានគណៈកម្មាធិការសាខា ជូនចំពោះលោកប្រធានមន្ទីរសុខាភិបាលខេត្ត លោកប្រធានមន្ទីរពេទ្យបង្អែកខេត្ត លោកគ្រូពេទ្យ អ្នកគ្រូពេទ្យ ទាំងអស់ដែលកំពុងផ្ដល់សេវាសុខភាពយ៉ាងចិត្តទុក្ខដាក់ដល់បងប្អូនប្រជាពលរដ្ឋដែលមកទទួលសេវានៅទីនេះ ជាពិសេសជំវិញករណីជំងឺរលាកសួត (COVID-19) បង្កឡើងដោយវីរុសកូរ៉ូណាប្រភេទថ្មី។

លោកជំទាវក៏បានសំដែងនូវអំណរអរគុណបំផុតចំពោះក្រុមគ្រូពេទ្យ ដែលបានប្រឹងប្រែងធ្វើការទាំងថ្ងៃ ទាំងយប់រហូតដល់ ១៥ ទៅ ១៦ម៉ោងឯណោះក្នុង១ថ្ងៃ ជុំវិញករណី COVID-19 នេះ។

ព័ត៌មានជាតិ ថ្មីៗ

ស្ត្រីមេម៉ាយទីទ័លក្រទើបសម្រាលកូន រួមនិងកូនក្មួយក្នុងបន្ទុក ៥នាក់ ទទួលអំណោយសប្បុរសធម៌ពីប្រតិភូសង្ឃក្នុងខេត្តសៀមរាប

01/10/2020

រដ្ឋបាលព្រៃឈើនិងរដ្ឋបាលខេត្តសៀមរាប បើកកិច្ចប្រជុំពិភាក្សារួមគ្នា ដើម្បីទប់ស្កាត់ លុបបំបាត់ និងបង្ក្រាបការកាប់រាន ដុត ឈូសឆាយ និងហ៊ុព័ទ្ធដីព្រៃឈើ យកដីធ្វើកម្មសិទ្ធិក្នុងដែនសមត្ថកិច្ចគ្រប់គ្រងរបស់ក្រសួងកសិកម្ម រុក្ខាប្រមាញ់ និងនេសាទ

01/10/2020

លោកជំទាវ បានបន្តថា ថ្វីត្បិតតែអំណោយមនុស្សធម៌ដែលបាននាំជូនដល់មន្ទីរបង្អែកខេត្តសៀមរាប នាពេលនោះមានចំនួនតិចតួចក្តី ក៏សង្ឃឹមថានឹងអាចសម្រួលដល់មន្ទីរពេទ្យនេះបានចំណែកតូចណាមួយដែរ ហើយក៏ជាការបង្ហាញនូវការគិតគូររបស់ថ្នាក់ដឹកនាំ ពិសេសកាកបាទក្រហមកម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ជាប្រធាន ៕

អត្ថបទ និង រូបថត : រដ្ឋបាលខេត្តសៀមរាប