បើតាមលោកវេរសេនីយ៍ឯក ណុប សារ៉ាក់ អធិការក្រុងសៀមរាប បានអោយដឹងថា នៅថ្ងៃ២០ ខែមីនា ឆ្នាំ២០២០ សមត្ថកិច្ចក្រុងសៀមរាប សហការណ៍ជាមួយអាជ្ញាធរមូលដ្ឋាន បានចុះបំបែក ករណីមុខសញ្ញាកាច់សោករម៉ូតូមួយកន្លែង នៅភូមិបុស្សក្រឡាញ់ សង្កាត់ជ្រាវ ក្រុងសៀមរាប ។
លោកអធិការក្រុងសៀមរាប បានអោយដឹងទៀតថា ក្នុងប្រតិបត្តការណ៍នេះ កម្លាំងសមត្ថកិច្ចបានរកឃើញម៉ូតូដែលជនសង្ស័យបានលួចយកមករក្សាទុកបានសរុប ០៥គ្រឿង ម៉ាកហុងដាឌ្រីមចំនួន ៣គ្រឿង ម៉ូតូម៉ាកscoopy ១គ្រឿង និងម៉ូតូរបស់ជនសង្ស័យជិះធ្វើសកម្មភាព ម៉ាកហុងដាឌ្រីម ចំនួន ១គ្រឿងផងដែរ ។
លោកវេរសេនីយ៍ឯក បន្ថែមថា ពាក់ព័ន្ធករណីចុះបង្ក្រាបនេះ សមត្ថកិច្ចមិនទាន់ចាប់បានជនសង្ស័យណាម្នាក់នៅឡើយទេ ដោយសារតែជនសង្ស័យអាចដឹងខ្លួនមុន ក៏បាននាំគ្នា រត់គេចខ្លួនបាត់អស់ នៅមុនពេលកម្លាំងសមត្ថកិច្ចចុះទៅដល់ ។ ចំនែកម៉ូតូទាំង ៥គ្រឿងត្រូវបានសមត្ថកិច្ចដកហូតយកទៅរក្សាទុកបណ្ដោះអាសន្នដើម្បីរងចាំការដោះស្រាយនៅពេលក្រោយ ៕
ព័ត៌មានជាតិ ថ្មីៗ
អត្ថបទ និង រូបភាព៖ ខេង ឧត្តម
