នៅក្នុងឱកាសអញ្ជើញចូលជួបសំដែងការគួរសមជាមួយ ឯកឧត្តម ខៀវ កាញារីទ្ធ រដ្ឋមន្រ្តី ក្រសួង ព័ត៌មាន នាព្រឹកថ្ងៃទី២០ ខែមីនា ឆ្នាំ២០២០ លោកជំទាវ ឡីក រ៉ូដីងហ្គេ (Liurk Rodinguez) ឯកអគ្គរដ្ឋទូត សាធារណៈរដ្ឋគុយបា ប្រចាំ កម្ពុជា បានសំដែងនូវការអរគុណ យ៉ាងជ្រាល ជ្រៅចំពោះ ប្រទេសកម្ពុជា ដែលបានអនុញ្ញាតអោយ នាវាទេសចរណ៏ខ្នាត យក្សរបស់ សហរដ្ឋអាមេរិក Westerdam ដែលមានផ្ទុកមនុស្សជាង ២ ពាន់នាក់ ភាគច្រើនជា ជនជាតិ អាមេរិក និងអឺរ៉ុប ចូលចតនៅកំពង់ផែ ខេត្តព្រះស៊ីហនុ កាលពីថ្ងៃទី ១៣ ខែ កុម្ភះ កន្លងមក នេះ ក្រោយពីមាន ការ បដិសេដ ពីបណ្តាប្រទេស និង កោះ ចំនួន ៦ មិន អោយចូលចត ដោយសារតែការព្រួយបារម្ភថា ក្នុង ចំណោមមនុស្ស រាប់ពាន់នាក់ នៅលើនាវានោះ អាច មានផ្ទុកវីរុស Covid-19។
លោកជំទាវ ឯកអគ្គរដ្ឋទូត គុយបា បានចាត់ទុកថា សកម្មភាព មនុស្សធម៏របស់កម្ពុជា កន្លងមកនេះ គឺជាគំរូដ៏ល្អដែលប្រទេសគុយបា រៀនធ្វើតាម ដោយ ពេលថ្មីៗនេះ គុយបា បានអនុញ្ញាតអោយ កាប៉ាល់ មួយចូលចត ដែលមានផ្ទុកអ្នកកើតជំងឺ កូវីត ១៩ ចំនួន ៥ នាក់ តែបានធ្វើការពិនិត្យព្យាបាល បានជាសះស្បើយ នឹងត្រឡប់ទៅ ប្រទេស កំណើតគេវិញហើយដែរ។
ពាក់ពន្ធ័ទៅនឹងបញ្ហានៃមេរោគ កូវីត១៩ នេះដែរ លោកជំទាវ ឡីក រ៉ូដីងហ្គេ (Liurk Rodinguez) បាន ជម្រាបថា នៅប្រទេសគុយបា មានអ្នកឆ្លងជំងឺនេះ ចំនួន ១៦ នាក់ ក្នុងនោះជនជាតិគុយបា ២ នាក់ ក្រៅពីនោះជាជនជាតិបរទេស ហើយមានម្នាក់បានស្លាប់ដោយសារជំងឺ កូវីត១៩ ។ លោកជំទាវ ឯកអគ្គរដ្ឋទូត មានប្រសាសន៏ថា ក្នុងរយះពេលកន្លងមកនេះ បានតាមដាន សភាពការណ៏ទូទៅនៃការគ្រប់គ្រង របស់ប្រទេសកម្ពុជា ពាក់ពន្ធ័បញ្ហាជំងឺ កូវីត ១៩ ដែល ជា គំរូដ៏ល្អដែលប្រទេសគុយបា អនុវត្តន៏តាមលើការគ្រប់គ្រងនេះ។ លោកជំទាវសង្ឃឹមថា នៅ ពេលការឆ្លងរីករាលដាល នៃជំងឺ កូវីត១៩ នេះបានបាត់ទៅ ប្រទេសគុយបា នឹងមានកិត្តិយស គោរពអញ្ជើញសម្តេចតេជោនាយករដ្ឋមន្រ្តី ហ៊ុន សែន ទៅទស្សនកិច្ចជាផ្លូវការ នៅប្រទស គុយបា ។ នៅក្នុងឱកាសនោះដែរ លោកជំទាវ ឯកអគ្គរដ្ឋទូតគុយបា បានសំដែងនូវការ រីករាយដែលបានមកបំពេញបេសកកម្មការងារការទូតនៅកម្ពុជា ហើយក្នុងរយះពេលប៉ុន្មាន ខែ ដែលបានមកកាន់ប្រទេសកម្ពុជា គឺមានអារម្មណ៏ដូចជាបងប្អូន ជាមួយ ប្រជាជនកម្ពុជា ផងដែរ។
ព័ត៌មានជាតិ ថ្មីៗ
ឯកឧត្តមរដ្ឋមន្រ្តី ខៀវ កាញារីទ្ធ បានសម្ដែងងនូវការស្វាគមន៍ ចំពោះបេសកកម្មការងារ ការទូតរបស់លោកជំទាវ Liurk Rodinguez នៅក្នុងប្រទេសកម្ពុជា នឹងបានជូនពរអោយ លោកជំទាវ ទទួលបានជោគជ័យ ក្នុងអណត្តិបេសកកម្មការទូត នៃប្រទសគុយបា ប្រចាំ កម្ពុជា ។
អត្ថបទ និង រូបថត ៖ ក្រសួងព័ត៌មាន
