ព្រះករុណា ព្រះបាទ សម្តេចព្រះបរមនាថ នរោត្តម សីហមុនីព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្តារៈដ៏ខ្ពង់ខ្ពស់ និងសម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ នៅថ្ងៃពុធ ទី០១ ខែមេសា ឆ្នាំ២០២០នេះ ព្រះអង្គទំាងទ្វេបាន សព្វព្រះរាជហឫទ័យស្តេចយាងទៅទីក្រុងបេកំាងប្រទេសចិន ដើម្បីពិនិត្យព្រះរាជសុខភាព តាមការណត្តរបស់ក្រុមគ្រូពេទ្យជំនាញរបស់ប្រទេសចិន។
អញ្ជើញដង្ហែព្រះរាជដំណើរព្រះករុណាជាអម្ចាស់ជីវិតលើត្បូងជាទីសក្ការៈដ៏ខ្ពង់ខ្ពស់ និងសម្តេចម៉ែ នៅព្រឹកថ្ងៃពុធទី១ ខែមេសានេះ នៅព្រលានយន្តហោះអន្តរជាតិភ្នំពេញ មាន សម្តេចវិបុលសេនាភក្តីសាយឈុំ ប្រធានព្រឹទ្ធសភា សម្តេចហេង សំរិន ប្រធានរដ្ឋសភា សម្តេច តេជោហ៊ុនសែននាយករដ្ឋមន្រ្តីនៃព្រះរាជាណាចក្រកម្ពុជា ញាតិវង្សានុវង្ស និងនាហ្មឺនសព្វមុខមន្ត្រីបាន។
ក្នុងព្រះរាជសាររបស់ព្រះមហាក្សត្រជាទីសក្ការៈដ៏ខ្ពង់ខ្ពស់បានមានព្រះរាជឱកាលឲ្យដឹងថា ទូលព្រះបង្គំ ខ្ញុំព្រះករុណា ខ្ញុំ និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត សូមព្រះអនុញ្ញាត និងអនុញ្ញាតពីសម្តេចព្រះមហាសង្ឃរាជទាំងពីរគណៈ និងព្រះថេរានុត្ថេរៈគ្រប់ព្រះអង្គ សម្តេច ឯកឧត្តម លោកជំទាវ អស់លោក លោកស្រី លោកតា លោកយាយ មាមីង បងប្អូន ក្មួយៗ ជនរួមជាតិទាំងអស់ អវត្តមានពីមាតុប្រទេសចាប់ពី ថ្ងៃទី០១ ខែមេសា ឆ្នាំ២០២០តទៅ ធ្វើដំណើរទៅទីក្រុងប៉េកាំង នៃសាធារណរដ្ឋប្រជាមានិតចិន ដើម្បីពិនិត្យព្យាបាលព្រះរាជសុខភាព។
ព័ត៌មានជាតិ ថ្មីៗ
នៅក្នុងឱកាសអវត្តមានរបស់ទូលព្រះបង្គំ ខ្ញុំព្រះករុណា ខ្ញុំខាងលើនេះ សម្តេចវិបុលសេនាភក្តី សាយឈុំ ប្រធានព្រឹទ្ធសភា នឹងទទួលជួយទូលព្រះបង្គំ ខ្ញុំព្រះករុណាខ្ញុំ ក្នុងឋានៈជាប្រមុខរដ្ឋស្តីទី នៃព្រះរាជាណាចក្រកម្ពុជា។
សូមបញ្ជាក់ថា ព្រះករុណាព្រះមហាក្សត្រនិងសម្តេចម៉ែព្រះអង្គទំាងទ្វេតែងតែស្តេចយាងទៅពិនិត្យ នៅសាធារណរដ្ឋប្រជាមានិតចិន កាលរៀងរាល់៦ ខែឬ ១ ឆ្នាំម្តង។
អត្ថបទ៖ វិទ្យុជាតិកម្ពុជា
រូបភាព៖ ក្រសួងព័ត៌មាន
