នៅថ្ងៃទី០៦ ខែមេសា ឆ្នាំ២០២០ លោកឧត្តមសេនីយ៍ទោ ខេង រ៉ា មេបញ្ជាការរងនគរបាលជាតិប្រចាំទិសភូមិភាគទី៤ និងភរិយា ព្រមទាំងក្រុមការងារ បាននាំយកអង្គរ ចែកជូនដល់ប្រជាពលរដ្ឋខ្វះខាត ស្ថិតក្នុងភូមិវត្តបូព៌ សង្កាត់សាលាកំរើក ក្រុងសៀមរាប។
លោកឧត្តមសេនីយ៍ទោ ខេង រ៉ា បញ្ជាក់ថា សកម្មភាពសប្បុរសធម៌នាពេលនេះ គឺដើម្បីជួយរំលែកការលំបាកដល់ប្រជាពលរដ្ឋក្នុងក្រុងសៀមរាប បានបាត់បង់ ឬផ្អាកការងារ និងបិទអាជីកម្ម ជាដើម ដែលបណ្ដាលមកពីជំងឺមេរោគកូវីដ១៩ ។ សកម្មភាពនេះដែរ ក៏ចង់បង្ហាញពី ការចេះជួយគ្នាទៅវិញទៅមកក្នុងគ្រាអាសន្ន ដើម្បីធ្វើឲ្យសង្គមយើងមានសាមគ្គីភាព រវាងប្រជាពលរដ្ឋ និងប្រជាពលរដ្ឋ និងពីតំបន់មួយទៅតំបន់មួយ។
នេះជាលើកទី២ហើយ ដែលលោកឧត្តមសេនីយ៍ទោ ខេង រ៉ា និងភរិយា ព្រមទាំងក្រុមការងារ បាននាំយកអង្គរ២តោនកន្លះ ធ្វើការចែកជូនដល់ប្រជាពលរដ្ឋក្នុងក្រុង ដោយម្នាក់ទទួលបាន អង្ករចំនួន១០គីឡូក្រាម និងពងទា ៥គ្រាប់។
សូមជម្រាបថា កាលពីថ្ងៃទី០២ ខែមេសា ឆ្នាំ២០២០ ក្រុមការងារខាងលើ ក៏បាននាំយកអង្ករចំនួន២តោនកន្លះនិងពងទាចំនួន៤០០គ្រាប់ ចែកជូនប្រជាពលរដ្ឋខ្វះខាតក្នុងក្រុងសៀមរាបផងដែរ ៕
អត្ថបទ និងរូបភាព៖ យូ វង្ស
សម្រួលអត្ថបទ៖ សេង ផល្លី
