បើតាមលោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនកណ្តាលព្រហ្មទណ្ឌ នៃស្នងការដ្ឋានខេត្តសៀមរាប បានឲ្យដឹងថា នៅថ្ងៃទី ២១ ខែមេសា ឆ្នាំ២០២០ សមត្ថកិច្ចខេត្តសៀមរាប បញ្ជូនខ្លួនជនល្មើសចំនួន ៤នាក់ទៅកាន់សាលាដំបូងខេត្តជាប់ពាក់ព័ន្ធករណី អំពើលួចមានស្ថានទម្ងន់ទោស ដែលប្រព្រឹត្តិទៅ កាលពីវេលាម៉ោង ០៣ និង០០ នាទីទៀបភ្លឺ ឈានចូលថ្ងៃទី១៩ ខែ មេសា ឆ្នាំ២០២០ ត្រង់ចំណុចភូមិក្របៅ ឃុំសង្វើយ ស្រុកជីក្រែង ខេត្តសៀមរាប ។
លោកឧត្តមសេនីយ៍ត្រី ភឹង ចិន្តារ៉េត បានឲ្យដឹងទៀតថា ជនសង្ស័យទាំង ៤នាក់ខាងលើ រួមមាន៖ ទី៖១.ឈ្មោះ សំ សី ហៅម៉ី ភេទប្រុស អាយុ៥២ឆ្នាំ មុខរបរ ធ្វើស្រែ ,ទី២.ឈ្មោះ ឡុន ធុង ហៅ ថុង ភេទប្រុស អាយុ១៤ឆ្នាំ មុខរបរសិស្ស ,ទី៣.ឈ្មោះ ឡឹង ប៊ឿប ហៅ ប៊ឿក ភេទប្រុស អាយុ ២២ឆ្នាំមុខរបរគ្មាន និងទី៤.ឈ្មោះ សុត សំអុល ភេទប្រុស អាយុ២៥ ឆ្នាំមុខរបរ កម្មករសំណង់ ហើយជនសង្ស័យទាំង៤នាក់នេះ បច្ចុប្បន្នរស់នៅភូមិក្របៅ ឃុំសង្វើយស្រុកជីក្រែង ខេត្តសៀមរាប ។ ជនស្ស័យទាំង ៤នាក់បានធ្វើសកម្មភាពចូលប្លន់ផ្ទះលក់អីវ៉ានមួយកន្លែងជារបស់ឈ្មោះ ទុន បឿត ភេទស្រី អាយុ៥១ ឆ្នាំ រស់នៅក្នុងភូមិឃុំខាងលើ ។
លោកឧត្តមសេនីយ៍ត្រី បន្ថែមទៀតថា ដោយទទួលបានពាក្យបណ្ដឹងពីជនរងគ្រោះ នៅថ្ងៃទី២០ ខែមេសា ឆ្នាំ ២០២០ កម្លាំងជំនាញការិយាល័យនគរបាលព្រហ្មទណ្ឌកម្រិតធ្ងន់ បានមកសហការជាមួយ កម្លាំងអធិការស្រុកជីក្រែង ធ្វើការស្រាវជ្រាវនិងស៊ើបអង្កេត ឃាត់ខ្លួនបានជនសង្ស័យទាំង០៤នាក់ខាងលើ យកមកធ្វើការសាកសួរ ។ ក្រោយសាកសួរជនសង្ស័យទាំង ៤នាក់ខាងលើបានសារភាពថា ពួកខ្លួនពិតជាបានធ្វើសកម្មភាពខាងលើនេះ ពិតប្រាកដមែន ដោយឈ្មោះ ឡឹង បឿកបានចំណែក១០០ដុល្លារ, ឈ្មោះ សុត សំអុល បានចំណែក១០០ដុល្លារ, ឈ្មោះ ឡុន ធុង បានចំណែក១០០ដុល្លារ ,ចំណែកឈ្មោះ សំ សី បានចំណែក២០០ដុល្លារ និងខ្សែក១ខ្សែ ប៉ុន្តែឈ្មោះ សំ សី ឆ្លើយថា ខ្សែកនោះ នៅពេលជិះម៉ូតូមកវិញ ខ្លូនបានធ្វើជ្រុះបាត់ ។
ក្រោយកើតហេតុកម្លាំងជំនាញ់ បានដកហូតវត្ថុតាងបានមួយចំនួនរួមមាន៖ កាំភ្លើងកែច្នៃចំនួន ០១ ដើម ,ម៉ូតូជិះធ្វើសកម្មភាពចំនួន ០២គ្រឿង , ខោអាវប៉ារ៉ា ០១កំផ្លេ ហើយបានប្រគល់សម្ភារៈ និងប្រាក់ជូនជនរគ្រោះវិញ ចំនែកឯជនសង្ស័យខាងលើត្រូវបានកម្លាំងនគរបាលជំនាញ រៀបចំសំណុំរឿងបញ្ជូនខ្លួន ទៅសាលាដំបូងខេត្តសៀមរាប ដើម្បីចាត់ការតាមផ្លូវច្បាប់ ៕
អត្ថបទ និង រូបភាព៖ គឿនវេត
