កិច្ចប្រជុំស្តីពីសំណើលើកគម្រោងមូលនិធិពិសេស នៃកិច្ចសហការ មេគង្គ ឡានឆាង សម្រាប់ឆ្នាំ ២០២១ របស់ថ្នាក់ដឹកនាំ មន្រ្តីជំនាញគ្រប់ផ្នែកពាក់ពន្ធ័ នៃ ក្រសួង ព័ត៌មាន បាន ធ្វើឡើងនៅព្រឹកថ្ងៃទី២២ ខែមេសា ឆ្នាំ២២០ ក្រោមអធិបតីភាព ឯកឧត្តម សុខ ប្រសិទ្ធិ រដ្ឋលេខា ធិការ ជាតំណាង ឯកឧត្តម ខៀវ កាញារីទ្ធ រដ្ឋមន្រ្តី ក្រសួង ព័ត៌មាន ។
តាមការបញ្ចាក់របស់ សុខ ប្រសិទ្ធិ ដែលជាប្រធានគណៈកម្មការ សម្របសម្រួល ពង្រឹង និងពង្រីកកិច្ចសហប្រតិបត្តិការអន្តរជាតិ បានបញ្ចាក់ថាកិច្ចប្រជុំនេះធ្វើឡើងបន្ទាប់ពី មានកិច្ចប្រជុំគណៈកម្មការ សម្របសម្រួល ពង្រឹង និងពង្រីកកិច្ចសហប្រតិបត្តិការអន្តរជាតិ នៃ ក្រសួង ព័ត៌មាន កាលពីកំឡុងខែមីនា កន្លងមកនេះ ដោយបានផ្តោតជាសំខាន់លើ ចក្ខុវិស័យ ផ្តួចផ្តើមគំនិតក្នុងការរៀបចំផែនការយុទ្ធសាស្រ្ត និងលើកគម្រោងកិច្ចសហការ ជាមួយដៃគូរអន្តជាតិ ស្របទៅនិងវិស័យនានា ក្នុងក្រសួង ព័ត៌មាន ។ សម្រាប់ការងារនៃ កិច្ច សហប្រតិបត្តិការ មេគង្គ ឡានឆាង គឺមានប្រទេស ៦ ជាសមាជិក ចិន កម្ពុជា មីយ៉ាន់ម៉ា ឡាវ ថៃ និងវៀតណាម ហើយប្រទសទាង ៦ នេះ បានចែករំលែកទឹកទន្លេ មេគង្គ ព្រំដែន និង វប្បធម៏ ស្រដៀងគ្នា ព្រមទាំងមានទំនាក់ទនងយ៉ាងជ្រាលជ្រៅ រឹងមាំ ដែលគ្របដណ្តប់ លើ វិស័យជាច្រើន។ លើសពីនេះ បណ្តាប្រទេសទាំង ៦ បានប្រើប្រាស់ចក្ខុវិស័យ រួមគ្នាដូចដែល មានចែងច្បាស់ នៅក្នុងសេចក្តីថ្លែងការសន្យាមួយ ថា កិច្ចសហប្រតិបត្តិការ មេគង្គ ឡានឆាន នឹងរួមចំណែកដល់ការអភិវឌ្ឍ ដល់សេដ្ឋកិច្ច និងសង្គម នៃបណ្តាអនុតំបន់ នៅក្នុងការបង្កើន សុភមង្គល របស់ប្រជាជន ក៏ដូចជាការកាត់បន្ថយនៃគម្លាត នៃការអភិវឌ្ឍ ក្នុងចំណោម ប្រទេស ក្នុងតំបន់ ក៏ដូចជាកាគាំទ្រ ការកសាងសហគមអាស៊ាន ។
អត្ថបទ និង រូបភាព ៖ ក្រសួងព័ត៌មាន
