ក្រសួងសុខាភិបាលកំពុងរៀបចំធ្វើប្រព័ន្ធតាមដានអ្នកជំងឺនិងអ្នកប៉ះផ្ទាល់ជាមួយអ្នកជំងឺ ដើម្បីធ្វើយ៉ាងណាងាយស្រួលរកអ្នកជំងឺនិងអ្នកដែលប៉ះពាល់ជិតស្និតជាមួយអ្នកដែលមានជំងឺ ។
ឯកឧត្តម ម៉ម ប៊ុន ហេង រដ្ឋមន្រ្តីក្រសួងសុខាភិបាលបានមានប្រសាសន៍ថា ក្រសួងនិងវិទ្យាស្ថានសុខភាពសាធារណៈកំពុងរៀបចំបង្កើតប្រព័ន្ធតាមដានអ្នកជំងឺនេះ ហើយប្រព័ន្ធនេះគឺមានសារៈសំខាន់ក្នុងការតាមដានអ្នកជំងឺបានភ្លាមៗនៅទូទាំងប្រទេសដែលមានភាពច្បាស់លាស់។
ព័ត៌មានជាតិ ថ្មីៗ
ថ្លែងក្នុងសន្និសីទសារព័ត៌មាន ស្ដីពីបច្ចុប្បន្នភាពជំងឺ COVID-19 នៅក្នុងប្រទេសកម្ពុជាថ្ងៃទី២៧ ខែមេសា ឯកឧត្តមបានបញ្ជាក់ថា កន្លងមកក្រសួងសុខាភិបាលធ្លាប់មានបទពិសោធ៍រួចមកហើយ ចំពោះការស្វែងរកអ្នកជំងឺគ្រុនចាញ់និងជំងឺអេដស៏ថា នៅភូមិ ឃុំ សង្កាត់ ឬខេត្តណា រួចបានព្យាបាលជាសះស្បើយហើយឬនៅ ដើម្បីធ្វើយ៉ាងតាមដាននៅសុខរបស់អ្នកជំងឺទាំងនោះ។
ពីព្រោះយើងមានបទពិសោធ៍ដូចជាជំងឺគ្រុនចាញ់ក៏យើងដឹងដែរឈឺនៅកន្លែងណាបានព្យាបាលអីហើយនៅទូទាំងប្រទេសជំងឺអេដស៏ក៏យើងដឹងដែរជំងឺប៉ុន្មាននាក់នៅកន្លែងណាទទួលបានការព្យាបាលបានប្រមាណថ្ងៃហើយ។យើងដឹងទាំងអស់យើងមានប្រព័ន្ធតាមដានហើយអីឡូវយើងកំពុងរៀបចំប្រព័ន្ធតាមដានកូវិដនេះទៀតហើយយើងនិងទទួលបានការសម្រេចឆាប់ៗខាងមុខនេះ។
ឯកឧត្តមរដ្ឋមន្រ្តីក្រសួងសុខាភិបាលបានបញ្ជាក់ថា វិធានការនេះគឺជាមធ្យោបាយមួយដែលជួយទប់ ស្កាត់ការរាត់ត្បាតជម្ងឺកូវីដ១៩ ពីមនុស្សម្នាកទៅមនុស្សម្នាក់ទៀតនិងទៅសហគមន៍។
សូមបញ្ជាក់ថា គិតត្រឹមព្រឹកថ្ងៃទី២៧ ខែមេសា ឆ្នាំ២០២០ នេះ ចំនួនករណីឆ្លងជំងឺកូវី១៩ នៅកម្ពុជាមានចំនួន ១២២ នាក់ ហើយដោយក្នុងនោះអ្នកជាសះស្បើយមានចំនួន ១១៩នាក់ និងគ្មានអ្នកស្លាប់នោះទេ ៕
អត្ថបទ និងរូបភាព៖ក្រសួងព័ត៌មាន
