អង្គការអន្តរជាតិទេសន្តរប្រវេសន៍ប្រចាំខេត្តសៀមរាប ប្រគល់សម្ភារបរិក្ខាវេជ្ជសាស្ត្រជូនរដ្ឋបាលខេត្តសៀមរាប ដើម្បីចូលរួមការប្រយុទ្ធប្រឆាំងជំងឺកូវីដ១៩

កាលពីថ្ងៃទី២៧ ខែ មេសា ឆ្នាំ២០២០ អង្គការអន្តរជាតិទេសន្តរប្រវេសន៍ ហៅកាត់ថា IOM (International Organzation for Migration) ប្រចាំខេត្តសៀមរាប បាននាំយក សំលៀកបំពាក់ការពារមេរោគ និងសម្ភារ បរិក្ខារវេជ្ជសាស្ត្រមួយចំនួនប្រគល់ជូន រដ្ឋបាលខេត្តសៀមរាប ដើម្បីចូលរួមក្នុងយុទ្ធនាការបង្ការ និងទប់ស្កាត់ការរីករាតត្បាតនៃជំងឺកូវីដ១៩។

លោក ពិន ប្រាកដ អភិបាលរងខេត្ត តំណាងឯកឧត្តម ទៀ សីហា អភិបាលខេត្តសៀមរាប បានថ្លែងអំណរគុណយ៉ាងជ្រាលជ្រៅ ចំពោះទឹកចិត្តសប្បុរស របស់អង្គការអន្តរជាតិទេសន្តរប្រវេសន៍ ប្រចាំខេត្តសៀមរាប ក៏ដូចជាបណ្តាសប្បុរសជននានាទាំងក្នុង និងក្រៅប្រទេស នាពេលកន្លងមក បានបរិច្ចាគនូវថវិកា ស្បៀងអាហារ សម្ភារៈបរិក្ខាជាច្រើន ចូលរួមជាមួយរាជរដ្ឋាភិបាល ក៏ដូចអាជ្ញាធរខេត្ត ក្នុងការប្រយុទ្ធប្រឆាំងនឹងជំងឺឆ្លង កូវីដ១៩នៅកម្ពុជា ។

លោកអភិបាលរងខេត្ត បញ្ជាក់ថា ជំនួយរបស់សប្បុរសទាំងអស់ នឹងត្រូវយកទៅប្រគល់ជូនក្រុមការងារ នៅគ្រប់បណ្តាក្រុងស្រុកទាំង១២ របស់ខេត្តសៀមរាប តាមរយៈគណៈកម្មការ និងអនុគណៈកម្មការប្រយុទ្ធប្រឆាំងជំងឺកូវីដ១៩ ដើម្បីបំពេញប្រតិបត្តិការរបស់ខ្លួន ក្នុងការបង្ការ ទប់ស្កាត់ជំងឺឆ្លងកូវីដ១៩នេះ។

ព័ត៌មានជាតិ ថ្មីៗ

រដ្ឋបាលខេត្តសៀមរាប បានទទួលអំណោយជាអង្ករ ១០តោន ពីមន្ទីរដែនដីនគរួបនីយកម្ម និងសំណង និងសាខាពន្ធដារខេត្តសៀមរាប ដើម្បីទុកសម្រាប់ចែកជូនដល់បងប្អូនដែលមានជីវភាពខ្វះខាតក្នុងតំបន់បិទខ្ទប់ទូទាំងខេត្ត !

28/09/2021

អាជ្ញាធរខេត្តសៀមរាប បន្ថែមការអនុវត្តវិធានការច្បាប់តឹងរ៉ឹងនៅតំបន់ហានិភ័យខ្ពស់ក្នុងក្រុង ដើម្បីអាចឈានទៅរកការដកភូមិមួយចំនួនទៀតចេញពីតំបន់ក្រហម

28/09/2021

សូមជម្រាបថា អំណោយដែលប្រគល់ជូននាពេលនោះ រួមមានសំលៀកបំពាក់ការពារមេរោគ ចំនួន៥០០ឈុត វែនតាពេទ្យការពារមេរោគចំនួន១៥, ម៉ាសN95 ចំនួន ២៦០ប្រអប់ នឹងសម្ភារៈបរិក្ខាពេទ្យ មួយចំនួនទៀត។

អត្ថបទ និង រូបថត ៖ រដ្ឋបាលខេត្តសៀមរាប
កែសម្រួលអត្ថបទ ៖ លោក សេង ផល្លី