នៅវេលាម៉ោងប្រមាណ១០ព្រឹក ថ្ងៃទី១១ ខែ ឧសភា ឆ្នាំ២០២០ មានករណីគ្រោះថ្នាក់ចរាចរណ៍មួយកើត ឡើងរវាងរថយន្តដឹកដី និងគោយន្តកន្ត្រៃ២គ្រឿង បណ្តាលឲ្យមនុស្ស២នាក់រងបួសធ្ងន់ ស្ថិតនៅចំណុចភូមិភ្លុង ឃុំលាងដៃ ស្រុកអង្គរធំ ខេត្តសៀមរាប ។
តាមការបញ្ជាក់របស់លោកវរៈសេនីយ៍ឯក ឆាយ ហាក់ឡុង អធិការនគរបាលស្រុកអង្គរធំ បានឲ្យដឹងថា រថយន្តដឹកដី ម៉ាក ហ៊ីណូ ចង្កូតស្តាំ ពាក់ស្លាកលេខ ចង្កូតស្តាំ BMC ០១០៩ បានបើកបរបញ្ច្រាសទិសគ្នាពីលិច ទៅកើត បានរេចង្កូតទៅបុកនឹង គោយន្តកន្ត្រៃ០២គ្រឿង រងការខូចខាតយ៉ាងធ្ងន់ធ្ងរ និងបណ្ដាលឲ្យអ្នកបើកបរគោយន្តកន្ត្រៃទាំងពីរ រងរបួសធ្ងន់
បច្ចុប្បន្ន អ្នកបើកបរគោយន្តកន្ត្រៃទាំងពីរ កំពុងសម្រាកព្យាបាល នៅមណ្ឌលសុខភាពលាងដៃ ស្ថិតក្នុងស្រុកអង្គរធំ។ រីឯ អ្នកបើកបររថយន្តដឹកដី មានទីលំនៅ ភូមិ ភ្នំត្រយោង ឃុំ ភ្នំលៀប ស្រុកព្រះនេត្រព្រះ ខេត្តបន្ទាយមានជ័យ កម្លាំងសមត្ថកិច្ចស្រុក បានធ្វើការឃាត់ខ្លួន ដើមី្ប ដោះស្រាយទៅតាមច្បាប់ចរាចរណ៍ជើងគោក ៕
ព័ត៌មានជាតិ ថ្មីៗ
អត្ថបទ និង រូបភាព៖ ម៉ី សុខារិទ្ធ
កែសម្រួលអត្ថបទ ៖ សេង ផល្លី
