នៅវេលាម៉ោង ១៤និង៣០នាទីរសៀល ថ្ងៃទី១៨ ខែឧសភា ឆ្នាំ២០២០ ស្ថិតនៅក្នុងបន្ទប់ជួល ភូមិធ្លកអណ្តូង សង្កាត់ស្លក្រាម ក្រុង/ខេត្ត សៀមរាប មានកើតករណីកាប់ប្រហារបងថ្លៃស្រី បណ្តាលឲ្យរងរបួសជាទម្ងន់ ។
តាមការឲ្យដឹងពីសាកី្សជិតខាងបានឲ្យដឹងថា នៅពេលប្អូនថ្លៃកំពុងផឹកស៊ីចាក់ធុងបាស់បំពងសម្លេង រំខានដល់អ្នកជិតខាង និង បងថ្លៃស្រីកំពុងដេក បានចេញមកប្រាប់ ឲ្យបិទធុងបាស់ ស្រាប់តែប្អូនថ្លៃ ចូលក្នុងផ្ទះទាញកាំបិតតាំងតោ ចូលទៅកាន់បងថ្លៃស្រីកំពុងដេកក្នុងបន្ទប់ជួលបណ្តាលឲ្យរបួសធ្ងន់ ខណៈពេលនោះដែរត្រូវបានអ្នកជិតខាងប្តឹងសមត្ថកិច្ច និង បានជួយដឹងយកទៅសង្គ្រោះនៅមន្ទីពេទ្យឯកជន ស៊ឹង រិទ្ធីរ៉េត ភ្លាមៗ ដែលបង្កឲ្យមានការភ្ញាក់ផ្អើល ។
បើតាមប្រភពពីសមត្ថកិច្ចមូលដ្ឋានបានឲ្យដឹងថា មុនពេលកើតហេតុ ជនរងគ្រោះត្រូវជាបងថ្លៃឈ្មោះ ភូន ពិដោរ ភេទស្រី អាយុ៤៤ឆ្នាំរស់នៅកន្លែងកើតហេតុខាង បានស្តីបន្ទោសឲ្យជនសង្ស័យ ដែលត្រូវជាប្អូនថ្លៃ ឈ្មោះ ងុយ ឆេងឡាយ ភេទប្រុស អាយុ៣៦ឆ្នាំ ពីរឿងចាក់បាស់លឺៗ ប្រហែល៣ថ្ងៃមុនមកម្លេះ ទើបបណ្តាលឲ្យជនសង្ស័យបាន គុំគួនរហូត ដល់វេលាកើតហេតុខាងលើជនសង្ស័យបានធ្វើសកម្មភាពកាប់ទៅលើជនរងគ្រោះតែម្តង បណ្តាលឲ្យរបួសធ្ងន់ ។ ក្រោយធ្វើសកម្មភាពហើយជនសង្ស័យបានជិះម៉ូតូគេចខ្លួនបាត់ស្រមោលតែម្តង ។
អត្ថបទ និង រូបថត ៖ ម៉ី សុខារិទ្ធ
