នាព្រឹក ថ្ងៃទី២០ ខែឧសភា ឆ្នាំ២០២០ នៅទីស្តីការ ក្រសួងព័ត៌មាន ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន បានទទួលផ្លែល្មើចំនួន ២ តោន ដែលទទួល បានពី ឯកឧត្តម ស្លៈ ណាស៊ី ទីប្រឹក្សា ក្រសួងព័ត៌មាន និងជាប្រធានមជ្ឈមណ្ឌល ព័ត៌មានមូស្លីមកម្ពុជា សម្រាប់ស្រាយ បួសខែរ៉ម៉ាឌន ដល់បណ្តាវិហារឥស្លាម នៅទូទាំងស្រុកកោះសូទិន ខេត្តកំពង់ចាម។
តាមការបញ្ជាក់របស់ ឯកឧត្តម ស្លះ ណាស៊ី បានឲ្យដឹងថា នេះជាឆ្នាំទី ៣ ហើយ ដែលមជ្ឍមណ្ឌលព័ត៌មានមូស្លីមកម្ពុជា សហការជាមួយអគ្គនាយកដ្ឋានព័ត៌មាន និងសោត ទស្សន៏ នៃក្រសួងព័ត៌មាន បានទទួលអំណោយជាផ្លែល្មើ ពីបណ្តាសប្បុរសជន នៅ ប្រទេស សឹង្ហបុរី និងពីអារ៉ាប់រួម អេម៉ារាត សរុបចំនួន ១២ តោន ។ សម្រាប់អំណោយជា ផ្លែល្មើនេះ គឺបែងចែកដល់វិហារឥស្លាមទាំង ៦ ក្នុងស្រុកកោះសូទិន ខេត្ត កំពង់ចាម ហើយ ការបែងចែក ដល់ប្រជាពលរដ្ឋចំនួនប្រជាពលរដ្ឋខ្មែរឥស្លាម សរុបជាង ១ ៦០០ គ្រួសារ ក្រៅពីនេះក៏ក្រុម ការងារ មជ្ឍមណ្ឌលព័ត៌មានមូស្លីមកម្ពុជា នឹងចែកទៅតាមបណ្តាស្រុកផ្សេងទៀត ដែលមាន បងប្អូន ខ្មែរឥស្លាម រស់នៅ។
ទាក់ទងទៅនិងសារៈសំខាន់នៃផ្លែល្មើនេះ ឯកឧត្តម ស្លះ ណាស៊ី បានបញ្ជាក់ថា បើតាមមាគាទំនៀមទំលាប់នៅក្នុងសាសនាឥស្លាម យល់ឃើញថាផ្លែល្មើបាន ផ្តុំឡើងដោយវិតាមីនជាច្រើនប្រភេទ នៅតបន់អារ៉ាប់ ហើយជាងនេះជាមាគានៃទម្លាប់ នៅ ពេល ពិធីស្រែបួស គឺសាសនិកឥស្លាម ទទួលទានចំនួន ២ ទៅ ៣ គ្រាប់មុនទទួលទាន
អាហារ ផ្សេងៗបន្ថែមទៀត។ សម្រាប់ពិធីស្រាយបួសខែរ៉ម៉ាឌន ឆ្នាំនេះបានធ្វើឡើងចាប់ពី ថ្ងៃទី២៤ ខែមេសា រហូតដល់ថ្ងៃទី២៤ ខែឧសភា ឆ្នាំ២០២០នេះ។
ក្រៅពីអំណោយជាផ្លែល្មើ ឯកឧត្តម ខៀវ កាញារីទ្ធ ក៏បានផ្តល់ជូននូវថវិកាបន្ថែម ក្នុង១វិហារឥស្លាម ចំនួន ១ លានរៀលផងដែរ។ ក្នុងនោះឱកាសនោះ តំណាងបងប្អូនខ្មែរឥស្លាមក្នុង ស្រុកកោះសូទិន ខេត្តកំពង់ចាម បានថ្លែងអំណរគុណដល់ ឯកឧត្តម រដ្ឋមន្រ្តី ខៀវ កាញារីទ្ធ និងក្រុមការងារទាំងអស់ ដែលជានិច្ចកាលតែងតែគិតគួរពីសុខទុក្ខ និងជីវភាពរស់នៅរបស់ បងប្អូនខ្មែរឥស្លាម ហើយក៏បានផ្តល់នូវស្បៀងអាហារ ថវិកា និងផ្លែល្មើនេះ ដល់បណ្តាវិហារ ឥស្លាម ជារៀងរាល់ឆ្នាំផងដែរ។
អត្ថបទ និង រូបថត ៖ ក្រសួងព័ត៌មាន
