ចម្លាក់ពើងគំនូរនៅចង្កេះភ្នំគូលែន មានអាយុកាលរាប់ពាន់ឆ្នាំមុនគ្រឹស្តសករាជ តែពុំទាន់មានអ្នកទេសចរណ៍ទៅទស្សនា

អ្នកបុរាណវិទូនៃអាជ្ញាធរជាតិអប្សរា បានសិក្សារកឃើញថា ពើងគំនូរ ឬចម្លាក់ពើងគំនូរ តូចធំជាច្រើនកន្លែងនៅចង្កេះភ្នំគូលែន ក្នុងភូមិត្រពាំងទឹម ឃុំតាសៀម ស្រុកស្វាយលើ ខេត្តសៀមរាប មានអាយុកាលជាង២ពាន់ឆ្នាំមុនគ្រឹស្តសករាជ។

មានប្រសាសន៍ឲ្យដឹងនៅថ្ងៃទី២០ខែឧសភាឆ្នាំ២០២០នេះ លោក អ៊ឹម សុខរិទ្ធី ប្រធាននាយកដ្ឋានអភិរក្សប្រាសាទក្នុងនិងក្រៅឧទ្យានអង្គរ នៃអាជ្ញាធរជាតិអប្សរា លើកឡើងថា តំបន់ទេសចរណ៍វប្បធម៌ប្រវត្ដិសាស្ដ្រពើងគំនូរនេះ ពុំមានអ្នកទេសចរជាតិ និងអន្ដរជាតិទៅទស្សនានោះទេ មានតែអ្នកសិក្សាផ្នែកវប្បធម៌ ប៉ុណ្ណោះ។

តាមការឲ្យដឹងបន្ថែមពី របស់លោក អ៊ឹម សុខរិទ្ធី ពើងគំនូរនៅចង្កេះភ្នំគូលែននេះ រាជរដ្ឋាភិបាលគ្រោងនឹងដាក់ចូលក្នុងបញ្ជីបេតិកភណ្ឌវប្បធម៌ពិភពលោកនាពេលខាងមុខ។

ព័ត៌មានជាតិ ថ្មីៗ

ស្រ្តីទើបឆ្លងទន្លេ ចំនួនជាង៣០នាក់និងគ្រួសារអ្នកស្លាប់ជាង១០នាក់ក្នុងឃុំប្រាសាទ ទទួលអំណោយពីប្រធានក្រុមការងារចុះជួយឃុំប្រាសាទ

15/05/2021

តុលាការខេត្តសៀមរាប សម្រេចចោទប្រកាន់បុរសម្នាក់នៅឃុំត្រីញ័រ ក្នុងស្រុកពួក ពីបទការនាំចេញដោយមិនស្របច្បាប់សម្រាប់នាំឆ្លងដែន ព្រមទាំងបង្គាប់ឲ្យឃុំខ្លួនទៀតផង

15/05/2021

អ្នកបុរាណវិទូរូបនេះ បង្ហាញថា តាមរយៈការសិក្សាស្រាវជ្រាវកាលពីឆ្នាំ២០១០ ពើងគំនូរនេះ មានអាយុកាលជាង២ពាន់ឆ្នាំមុនគ្រិះសករាជ គឺមុនការបង្កើតរាជធានីនៅលើភ្នំគូលែន។ ចម្លាក់នៅលើបំណែកថ្មភ្នំតូចធំទាំងនេះ មានដូចជាចម្លាក់ព្រះគណេសដៃ៨ ចម្លាក់លិង្គ ចម្លាក់ព្រះវិស្ណុផ្ទំ ចម្លាក់ព្រះឥសូរ រូបគំនូរត្រីប្រវែងប្រមាណ១ម៉ែត្រមានពណ៌ក្រហមព្រៀល ជាដើម ដែលគេសន្និដ្ឋានថា ធ្វើឡើងដោយព្រះរាជគ្រូសាសនានានា។ ។បើតាមសិលាចរឹកដែលប្រហែលជាឆ្លាក់នៅក្នុងសតវត្សទី១១ បង្ហាញថា ពើងគំនូរជាទីតាំងរបស់ព្រះរាជគ្រូរបស់ព្រះមហាក្សត្រព្រះនាម ព្រះសិវសោមៈ ហើយបានបង្ហាញពីព្រះនាមរបស់ព្រះបាទជ័យវរ្ម័នទី២ ក្នុងឈ្មោះជាមរណនាមថា ព្រះបរមស្វរៈ និងភ្នំមហេន្ទ្របរ៌ត ឈ្មោះភ្នំគូលែនបច្ចុប្បន្ន។

អត្ថបទ និង រូបថត ៖ បូ សាវី
កែសម្រួលអត្ថបទ ៖ សេង ផល្លី