នៅព្រឹកថ្ងៃទី០៨ ខែមិថុនា ឆ្នាំ២០២០នេះ ក្រុមការងារចម្រុះរដ្ឋបាលខេត្តសៀមរាប បានកំពុងដំណើរការការដ្ឋានរៀបចំសោភណ្ឌភាព និងចំណតយានយន្ត នៅសងខាងផ្លូវជាតិលេខ៦ ខាងមុខផ្សារលើធំថ្មី ស្ថិតក្នុងភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប ដើម្បីលើកកម្ពស់សោភណ្ឌភាព សណ្ដាប់ធ្នាប់ និងកាត់បន្ថយការកកស្ទះចរាចរណ៍។
លោក រស់ សុវណ្ណ ប្រធានអង្គភាពលទ្ធកម្មខេត្ត បង្ហាញថា គម្រោងកែលម្អសោភ័ណ្ឌភាពបាន រៀបចំទីតាំងចំណតរថយន្តធុនតូចនៅមុខផ្សារលើធំថ្មីនេះ នឹងរុះរើខឿនការ៉ូឡាជាប់ចិញ្ចើមផ្លូវចេញ និងជំនួសមកវិញដោយការក្រាលកៅស៊ូបេទីម AC ព្រមទាំងមានគូសគំនូសសញ្ញា សម្រាប់ចតរថយន្ត ដើម្បីរៀបចំសណ្ដាប់ធ្នាប់ នឹងរបៀបរៀបរយក្នុងការចតយានយន្តធុនតូច។ សម្រាប់ដំណាក់កាលទី១ នៃគម្រោងនេះ នឹងប្រើប្រាស់រយ:ពេល ២ខែ ដោយចាប់ផ្ដើមពីពេលបើកការដ្ឋាននេះទៅ។
គួររំលឹកថា គម្រោងកែលម្អសោភ័ណ្ឌភាពបាន រៀបចំទីតាំងចំណតរថយន្តធុនតូចនៅមុខផ្សារលើធំថ្មីនេះ ត្រូវបានក្រុមការងារចម្រុះខេត្ត ចុះសិក្សាលើកចុងក្រោយ ដើម្បីបញ្ចៀសការកកស្ទះចរាចរណ៍នៅខាងមុខ អំឡុងពេលបើកការដ្ឋានកាលពីថ្ងៃទី១៤ ខែឧសភា ឆ្នាំ២០២០។
ព័ត៌មានជាតិ ថ្មីៗ
អត្ថបទ និង រូបថត ៖ លោក ស៊ាន សុផាត
កែសម្រួលអត្ថបទ ៖ លោក សេង ផល្លី
