ប្រជាពលរដ្ឋដែលជួបបញ្ហាខ្វះខាតចំនួន៤០គ្រួសារនៅក្នុងឃុំជប់តាត្រាវស្រុកអង្គរធំបានទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តសៀមរាបដើម្បីរួមចំណែកបានខ្លះក្នុងការដោះស្រាយដល់ជីវភាពរស់នៅប្រចាំថ្ងៃ ដែលកំពុងជួបការលំបាកដោយសារតែវិបត្តិនៃជំងឺកូវីដ-១៩ ដែល បានរាតត្បាតនៅលើពិភពលោកក្នុងនោះប្រទេសកម្ពុជាផងដែរ ។ អំណោយមនុស្សធម៌នេះត្រូវបាន លោកឧកញ៉ា ហ៊ុយ ភៀវ អនុប្រធានកិត្តិយស សាខាកាកបាទក្រហមកម្ពុជាខេត្តសៀមរាប និងជាប្រធានសភាពាណិជ្ជកម្មខេត្តសៀមរាបឧត្តរមានជ័យរួមនឹងក្រុមការងារបាននាំយកទៅ ចែកជូនដល់បងប្អូនប្រជាពលរដ្ឋដែលជួបការខ្វះខាត ចាស់ជរាគ្មានទីពឹង កុមារកំព្រា ស្ត្រីមេម៉ាយក្រីក្រមានកូនច្រើន អ្នកផ្ទុកមេរោគអេដស៍ និង ជនពិការទីទ័លក្រ។
នាព្រឹកថ្ងៃទី០៧ ខែកក្កដា ឆ្នាំ២០២០នេះ នៅក្នុងពិធីចែកអំណោយនោះដែរ លោកឧកញ៉ា ហ៊ុយ ភៀវ ក៏បានពាំនាំនូវប្រសាសន៍ផ្ដាំផ្ញើ សាកសួរសុខទុក្ខ ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងឯកឧត្តម ទៀ សីហា ប្រធានគណៈកម្មាធិកាកសាខា ដែលជាកិច្ចការសម្ដេចតែងតែយកចិត្តទុកដាក់ ពីសុខទុក្ខ បងប្អូនប្រជាពលរដ្ឋ ដោយមិនដែលទុកឱ្យបងប្អូនណាម្នាក់រងការលំបាកដោយអត់ឃ្លាននោះឡើយ ដោយសម្ដេចតែងតែចាត់ឱ្យក្រុមការងារ ចុះជួយដល់បងប្អូនប្រជាពលរដ្ឋ ដល់មូលដ្ឋាន ផ្ទាល់ ដើម្បីដោះស្រាយរាល់ការលំបាកដែលបងប្អូនកំពុងជួបប្រទះបានទាន់ពេលវេលា។
លោកឧកញ៉ាក៍បានបញ្ជាក់ទៀតថាការចុះជួយដោះស្រាយទុក្ខលំបាកជូនបង ប្អូនមិនមានការប្រកាន់និន្នាការនយោបាយ ពណ៌សម្បុរ ឬពូជសាសន៍ឡើយ ពោលគឺកាក បាទក្រហមកម្ពុជា តែងតែចុះជួយនៅពេលបងប្អូនជួបការលំបាកដោយមិនឱ្យបងប្អូនណាម្នាក់ស្លាប់ដោយអត់អាហារបរិភោគនោះទេ។ជាមួយគ្នានោះលោកឧកញ៉ា ហ៊ុយ ភៀវ ក៏បានបន្តក្រើនរម្លឹកដល់បងប្អូនប្រជាពលរដ្ឋត្រូវមាន ការប្រុងប្រយ័ត្នខ្ពស់ចំពោះជំងឺរាតត្បាតសកលកូវីដ-១៩ ដែលមិនទាន់មានការធូរស្បើយនៅ ឡើយទេ។ ដូច្នេះបងប្អូនប្រជាពលរដ្ឋត្រូវរក្សាអនាម័យឱ្យបានខ្ពស់អនុវត្តន៍តាមការណែនាំ របស់ក្រសួងសុខាភិបាល ដោយត្រូវលាងសម្អាតដៃ ឱ្យបានជាប់ជាប្រចាំជាមួយសាប៊ូ អាល់ កុល ឬជែល។លោកឧកញ៉ា ហ៊ុយ ភៀវ ក៏បានជំរុញលើកទឹកដល់បងប្អូនប្រជាពលរដ្ឋត្រូវងាកមកដាំដុះបន្លែបង្ការ ឬចិញ្ចឹមសត្វជាដើមឱ្យបានច្រើនដើម្បីទ្រទ្រង់ជីវភាពគ្រួសារចំពោះការដាំដុះបន្លែបង្ការវាបានជួយដល់បងប្អូនដូចជាជួយកាត់បន្ថយការចំណាយប្រចាំថ្ងៃរបស់ បងប្អូនប្រជាពលរដ្ឋ, ជួយបំពេញតម្រូវការទីផ្សារក្នុងស្រុក, កាត់បន្ថយការនាំចូលបន្លែពីក្រៅ ប្រទេស និងចូលរួមលើកកម្ពស់វិស័យកសិកម្ម តាមរយៈការកាត់បន្ថយនៃការប្រើប្រាស់សារ ធាតុគីមី ដែលប៉ះពាល់ដល់សុខភាព និងបរិស្ថាននោះផងដែរ៕
អំណោយមនុស្សធម៌ដែលបានផ្ដល់ជូន១គ្រួសារទទួលបាន អង្ករ២៥គីឡូក្រាម មី១កេស ត្រីខ១យួរ អាវយឺត២ និងថវិកា៤ម៉ឺនរៀល។ ឆ្លៀតក្នុងឱកាសនោះដែរលោកឧកញ៉ា ហ៊ុយ ភៀវ ព្រមទាំងក្រមការងារ ក៍បានអញ្ជើញចូលសួរសុខទុក្ខបងប្អូនប្រជាពលរដ្ឋដែលកំពុងសម្រាកព្យាបាលជម្ងឺនៅក្នុងមណ្ឌលសុខភាពជប់តាត្រាវ ដោយនៅក្នុងពេលនោះគឺមានអ្នកជម្ងឺចំនួន២នាក់កំពុងតែសម្រាកព្យាបាល ក្នុងនោះដែរ លោកឧកញ៉ា ហ៊ុយ ភៀវ ក៍បានជូនថវិកាផ្ទាល់ខ្លួនជូនដល់ពួកគាត់ក្នុងម្នាក់ៗទទួលបានថវិកាចំនួន៥០.០០០រៀល ហើយបន្ថែមពីនេះទៀតលោក ឧកញ៉ាក៍បានជូនថវិកាដល់លោកគ្រូពេទ្យ និងបុគ្គលឹកនៅក្នុងមណ្ឌលសុខភាពជប់តាត្រាវចំនួន៣០០.០០០រៀលផងដែរ ៕
