សៀមរាប៖ លោក ហួត គឹមម៉េង ប្រធានគ្រប់គ្រងជាន់ខ្ពស់ប្រចាំប្រទេសកម្ពុជា របស់ក្រុមហ៊ុន តាន់ចុងម៉ូទ័រកម្ពុជា នៅក្នុងពិធីសំណេះសំណាលជាមួយអតិថិជនរបស់ខ្លួនក្នុងខេត្តសៀមរាបកាលពីយប់ថ្ងៃទី២២ ខែសីហានេះបានមានប្រសាសន៍ រថយន្ដម៉ាកនីសាន់របស់ក្រុមហ៊ុននីសាន់ បាននឹងកំពុងមានប្រជាពលរដ្ឋ ប្រើប្រាស់ច្រើនគួរអោយកត់សំគាល់ ជាពិសេសរថយន្ដសេរីទំនើបផលិតឆ្នំា២០២០ម៉ាកនីសាន់ថេរ៉ា ។ នៅឆ្នាំ២០២០នេះរថយន្ដក្រុមហ៊ុននេះ បានលក់ដាច់ច្រើនគួរអោយកត់សំគាល់ បើទោះបីកម្ពុជាមានបញ្ហាដោយសារជំងឺកូវីដ ១៩ ក៍ដោយ ដោយគ្រាន់តែថយចុះជាងឆ្នាំ២០១៩បន្ដិចបន្តួចប៉ុណ្ណោះ ។
លោកបន្ថែមថា រថយន្ដប្រភេទនេះ មានភាពសាកសមនឹងជីវភាពរបស់ប្រជាពលរដ្ឋ ក៍ដូចមានទំនុកចិត្ដខ្ពស់ពីក្រុមហ៊ុននីសាន់ ដោយសាររថយន្ដនីសាន់នេះ មានគ្រឿងក្រោមរឹងមាំ ម៉ាស៊ីនមិនងាយខូច ងាយស្រួលប្រកបរបរការងារកសិកម្មផងដែរ។ ជាមួយគ្នានេះដែរក្រុមហ៊ុនក៍បានផ្ដល់រង្វាន់រថយន្ដតម្លៃរាប់ម៉ឺនដុល្លា ដើម្បីលើកទឹកចិត្ដដល់អតិថិជនក្នុងការប្រើប្រាស់រថយន្ដពីក្រុមហ៊ុន។ លោកបានបញ្ជាក់ថា ក្រុមហ៊ុននីសាន់នៅតែបន្ដរីកចំរើននៅក្នុងប្រភទេសកម្ពុជា ហើយក៍នៅមានពលរដ្ឋគាំទ្រជាច្រើនដដែល នៅក្នុងអំឡុងពេលជំងឺកូវីដ១៩នេះ ។
បើតាមអតិថិជនដែលបានចូលរួមក្នុងពិធីនោះ បានអោយដឹងដែរថា ពួកគាត់បានប្រើប្រាស់រថយន្ដរបស់ក្រុមហ៊ុនីសាន់នេះ ជាច្រើនឆ្នាំមកហើយ ព្រោះរថយន្តប្រភេទនេះ វាស្រួលប្រើប្រាស់ដឹកជញ្ជូនជាលក្ខណៈគ្រួសារមិនថាជិត ឬឆ្ងាយ ។ ជាមួយគ្នានោះ គុណភាពរបស់រថយន្ដនេះមានភាពរឹងមាំទាំងគ្រឿងម៉ាស៊ីននិងគ្រឿងបន្លាស់។ ពួកគាត់នឹងបន្ដគាំទ្រទៅលើក្រុមហ៊ុនរថយន្ដប្រភេទនេះបន្ដទៀត ព្រោះវាមានទំនុកចិត្ដល្អប្រសើរជាងក្រុមហ៊ុនរថយន្ដផ្សេងទៀត។ ពួកគាត់ក៍ចង់អោយប្រជាពលរដ្ឋផ្សេងទៀតងាកមកប្រើប្រាស់រថយន្ដក្រុមហ៊ុននីសាន់នេះ ព្រោះវាមានយីហោដែលមានប្រជាប្រិយភាពបំផុតនៅក្នុងប្រទេសកម្ពុជា ៕
អត្ថបទ និង រូបភាព៖ ឈិត សាវី
