ទារិកាអាយុ ៦ខែម្នាក់ ក្នុងចំណោមសមាជិកគ្រួសារបួននាក់បានស្លាប់ និង ៣នាក់ផ្សេងទៀតរងរបួសធ្ងន់ស្រាល ក្នុងករណីគ្រោះថ្នាក់ចរាចរណ៍មួយ រវាងរថយន្តនិងម៉ូតូ ដែលបានកើត កាលពីវេលាម៉ោងប្រមាណ៥ ល្ងាចថ្ងៃទី១១ ខែកញ្ញា ឆ្នាំ២០២០ លើកំណាត់ផ្លូវជាតិលេខ៦ ស្ថិតក្នុងភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប។
តាមការឲ្យដឹងពី សមត្ថកិច្ច នៃអធិការដ្ឋាន ស្រុកប្រាសាទបាគង ករណីគ្រោះថ្នាក់នេះ រថយន្តម៉ាកលុចស៊ីស (Ls460) បើកបរដោយយុវជនម្នាក់ (ពុំមានអ្នករួមដំណើរ) បើកបរក្នុងល្បឿនលឿន ទិសដៅពីកើតទៅលិច រីឯម៉ូតូ បើកបរដោយ បុរសម្នាក់ និងមានអ្នករួមដំណើរបីនាក់ ធ្វើការឆ្លងផ្លូវដោយខ្វះការប្រុងប្រយ័ត្ន ទើបបង្កឲ្យមានគ្រោះថ្នាក់នេះកើតឡើង។
ព័ត៌មានជាតិ ថ្មីៗ
សមត្ថកិច្ចដដែលបញ្ជាក់ថា ករណីគ្រោះថ្នាក់នេះបង្កឱ្យ ប្ដីប្រពន្ធ២នាក់ រងរបួសស្រាល កូនស្រីអាយុ ៦ឆ្នាំរងរបួសធ្ងន់ និងកូនស្រីអាយុ ៦ខែបានស្លាប់ ចំណែកអ្នកបើកបររថយន្តត្រូវសមត្ថកិច្ចឃាត់ខ្លួន។
