ក្នុងឱកាសនៃកិច្ចប្រជុំសាមញ្ញប្រចាំសប្តាហ៏ទី២ ថ្នាក់ដឹកនាំក្រសួងព័ត៌មាន ព្រឹកថ្ងៃទី១២ ខែតុលា ឆ្នាំ២០២០ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន មានប្រសាសន៏លើក ឡើងពីបញ្ហាគ្រោះទឹកជំនន់ ដែលកំពុងឡើងខ្លាំងនៅតាមបណ្តាខេត្តមួយចំនួន ក្នុងនោះខេត្ត ពោធិសាត់ និងខេត្តបាត់ដំបង មានការជន់លិចខ្លាំង ដោយសារបញ្ហាព្យុះភ្លៀងបង្ករជាទឹកជំនន់ធំនៅក្នុងប្រទេសថៃ ហើយគេចាត់ទុកថាជាជំនន់ធំជាងគេក្នុងរយះពេល១៥ឆ្នាំចុងក្រោយនេះដោយបានរងផលប៉ះពាល់មកដល់ប្រទេសកម្ពុជា។ ដូច្នេះប្រពន្ធ័ផ្សព្វផ្សាយ ត្រូវផ្សាយនូវ ព័ត៌មាន ថ្មីៗ ទាន់ហេតុការណ៏ និងវិធានការនានា ដែលរាជរដ្ឋាភិបាល ក៏ដូចជាស្ថាប័នជំនាញ ពាក់ពន្ធ័ បានដាក់ចេញ ដើម្បីអោយប្រជាពលរដ្ឋ បានដឹង ហើយបញ្ជៀសកុំអោយមានគ្រោះ ថ្នាក់ដោយសារគ្រោះថ្នាក់ដោយសារទឹកជំនន់នេះ។
ទាក់ទងកិច្ចការងារនេះ ក្រុមការងារពិសេស ទូរទស្សន៏ជាតិកម្ពុជា បានចុះទៅតាមបណ្តាខេត្តមួយចំនួន ដែលរងគ្រោះដោយទឹកជំនន់ធ្ងន់ធ្ងរជាងគេ ដើម្បីថតផ្សាយនូវដំណឹងថ្មីៗ ទាន់ហេតុការណ៏ ក៏ដូចជាការបង្ហាញពីសកម្មភាព របស់អាជ្ញាធរដែនដី ក៏ដូចជាកងកំលាំងប្រដាប់អាវុធគ្រប់ប្រភេទ មានភាពសកម្មក្នុងការជួយសង្រ្គោះប្រជាព់លរដ្ឋដែលរងគ្រោះដោយទឹកជំនន់ តាមរយះការដឹកជញ្ជូន សំភារះ និងប្រជាពលរដ្ឋតាមរថយន្តកងទ័ពពីតំបន់លិចទឹក មកកាន់ទីទួលសុវត្ថិភាព។
នៅក្នុងឱកាសនៃកិច្ចប្រជុំប្រចាំសប្តាហ៏នេះដែរ ឯកឧត្តមលោកជំទាវជាថ្នាក់ដឹកនាំ តាមបណ្តាអគ្គនាយកទាំង៥ ឯកឧត្តមលោកជំទាវជារដ្ឋលេខាធិការអនុរដ្ឋលេខាធិការដែលទទួលបន្ទុកតាមផ្នែក និងជំនាញនីមួយៗ បានជម្រាបជូនពីវឌ្ឍនភាពការងារសំខាន់ៗ ដែលតាមផ្នែកតាមជំនាញនីមួយៗ សម្រេចអនុវត្តន៏បានក្នុងរយះ ពេលពេញមួយសប្តាហ៏កន្លងមកនេះ និងលើកជាទិសដៅផែនការសម្មភាពការងារដែលត្រូវបន្តបំពេញ នៅសប្តាហ៏ខាងមុខទៀត អោយបានកាន់តែមានប្រសិទ្ធិភាព និងប្រសិទ្ធិផលល្អប្រសើរបន្ថែមទៀត។
ឯកឧត្តម រដ្ឋមន្រ្តី ខៀវ កាញារីទ្ធ បានគូសបញ្ជាក់ដែរថា នៅក្នុងសប្តាហ៏បន្តបន្ទាប់ទៅមុខទៀតនេះ ក្រសួងព័ត៌មាន មានកិច្ចពិភាក្សាការងារសំខាន់ៗ ដែលត្រូវធ្វើបន្តទៀត ក្នុងនោះ គម្រោងនៃដំណើរការត្រៀមរៀបចំថ្នាលទូរទស្សន៏ ឌីជីថល ដោយធ្វើការផ្លាស់ប្រពន្ធ័ផ្សាយទូរទស្សន៏ ពីអានណាឡូក ទៅជាឌីជីថល ដែលត្រូវចំណាយថវិកាច្រើន តែទោះជាយ៉ាងណា ក៏ត្រូវតែប្រឹងប្រែងធ្វើការផ្លាស់ប្តូរ អោយសម្រេចបានតាមគម្រោងដែរ គ្រោងទុក។ ឯកឧត្តម រដ្ឋមន្រ្តី ក៏បានជម្រុញដល់ប្រពន្ធ័ផ្សព្វផ្សាយជាតិទាំងអស់ ទាំងនៅថ្នាក់កណ្តាល និងតាមបណ្តាខេត្ត ត្រូវមានការប្រែប្តូរការផ្សាយតែក្រៅពីរឿងនយោបាយសុទ្ធ មកផ្សាយពីដំណើរការអភិវអឌ្ឍការផ្សាយពី តំបន់ទេសចរណ៏ធម្មជាតិ វិស័យកសិកម្ម និងកម្មវិធីកំសាន្តសប្បាយ និងការយល់ដឹងទូលាយ សម្រាប់ជាការរឹតចំណងមិត្តភាព មន្រ្តីទាំងអស់នៃក្រសួងព័ត៌មាន ហើយជាងនេះទៅទៀត សម្រាប់ព័ត៌មានសំខាន់ៗ ដែលវិទ្យុ និងទូរទស្សន៏ជាតិ បានផ្សាយមន្ទីរព័ត៌មានតាមបណ្តាខេត្ត ក៏ត្រូវយកទៅធ្វើការផ្សាយបន្តអោយបានកាន់តែទូលំទូលាយ។
នៅក្នុងឱកាសនោះដែរ ឯកឧត្តម រដ្ឋមន្រ្តី ខៀវ កាញារីទ្ធ បានជម្រុញអោយប្រពន្ធ័ ផ្សព្វផ្សាយរបស់ជាតិ ត្រូវបន្ត ពង្រឹងប្រសិទ្ធិភាពនៃការផ្សាយរបស់ខ្លួននបានកាន់តែល្អប្រសើរ ដែលមានកម្មវិធីថ្មីៗ និង កម្មវិធីអប់រំចំណេះដឹង ដែលមានការទាក់ទាញ ផ្តល់សារះប្រយោជន៏ សម្រាប់សារធារណះ ជនទូឯកឧត្តម រដ្ឋមន្រ្តី ក៏បានកោតសរសើរ ចំពោះរាល់លទ្ធផលការងារទាំងឡាយដែលថ្នាក់ដឹកនាំមន្រ្តីរាជការគ្រប់ផ្នែក គ្រប់ជំនាញនៃក្រសួងព័ត៌មានដែលបានរួម សហការគ្នាសម្រេចអនុវត្តបានយ៉ាងល្អ។ ដូច្នេះការងារបន្តទៀតសំខាន់ ត្រូវពង្រឹងកិច្ចសហការសាមគ្គីភាពអោយបានរឹងមាំមានទំនាក់ទំនងល្អជាមួយ ក្រសួងស្ថាប័នទាំងអស់ ៕