នៅថ្ងៃទី១៣ ខែតុលា ឆ្នាំ២០២០ នេះ មន្ទីរធនធានទឹក និងឧតុនិយមខេត្តសៀមរាប បានធ្វើសេចក្ដីជូនដំណឹង ដល់ប្រជាពលរដ្ឋ រស់នៅក្នុងស្រុកចំនួ២ របស់ខេត្តសៀមរាប នៅស្រុកជីក្រែង និងស្រុកក្រឡាញ់ ត្រូវមានការប្រុងប្រយ័ត្នចំពោះជំនន់ទឹកភ្លៀង ដែលអាចបង្កជាជន់លិចឆាប់រហ័ស។
សេចក្ដីជូនដំណឹងនេះ ក៏បានអំពាវនាវដល់អាជ្ញាធរមូលដ្ឋាន ត្រូវបង្កើនការយកចិត្តទុកដាក់ខ្ពស់ ក្នុងការត្រៀមសង្គ្រោះប្រជាពលរដ្ឋ ជាពិសេស ជាពលរដ្ឋរស់នៅក្បែរស្ទឹងស្រែង ស្ថិតក្នុងស្រុកក្រឡាញ់ និងស្ទឹងជីក្រែង ស្ថិតក្នុងស្រុកជីក្រែង។
គួរបញ្ជាក់ថា បច្ចុប្បន្ន ប្រទេសកម្ពុជា កំពុងរងឥទ្ធិពលព្យុះទី១៦ ឈ្មោះណាងកា (Nangka) និងនៅក្នុងរង្វង់ថ្ងៃទី១៦ និងទី១៧នេះ កម្ពុជា នឹងរងឥទ្ធិពលព្យុះទី១៧ ថ្មីមួយទៀត ឈ្មោះ សូដែល (Saudel)។
អត្ថបទ និងរូបភាព: មន្ទីរព័ត៌មានខេត្តសៀមរាប
