វិស័យព្រះពុទ្ធសាសនានៅកម្ពុជា កំពុងមានការរីកចម្រើនជាបន្តបន្ទាប់ ការរីកចម្រើននេះគឺអាស្រ័យដោយ ប្រទេសជាតិមានសុខសន្តិភាព ពិតប្រាកដ ក្រោមការដឹកនាំដ៍ឈ្លាសវៃនិងត្រឹមត្រូវរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ហេតុនេះ បងប្អូនប្រជាពលរដ្ឋ គួរមើលឱ្យឃើញពីតួនាទីនិងសារៈសំខាន់នៃសន្តិភាពនិង ត្រូវចេះការពារសន្តិភាព ពីព្រោះ សន្តិភាពរកបានដោយលំបាក យើងត្រូវរួមគ្នារក្សាសន្តិភាពនេះឱ្យស្ថិតស្ថេរគង់វង្ស។ នេះបើតាមប្រសាសន៍ លោក ពិន ប្រាកដ អភិបាលរងខេត្តសៀមរាប ក្នុងឱកាសលោក រួមជាមួយក្រុមគ្រួសារ សហការជាមួយប្រជាពលរដ្ឋក្នុងមូលដ្ឋានសង្កាត់សៀមរាប បានរៀបចំអង្គកឋិនទានសាមគ្គីដងហែរទៅកាន់វត្តអារញ្ញសាគរ ស្ថិតក្នុងភូមអារញ្ញសង្កាត់សៀមរាបក្រុងសៀមរាប ខេត្តសៀមរាប ។
លោក ពិន ប្រាកដ មានប្រសាសន៍បន្ថែមថា កម្ពុជាបានផ្តល់សិទ្ឋសេរីភាពខាងជំនឿ មិនថាតែបងប្អូនប្រជាពុទ្ឋបរិស័ទ ដែលគោរពជឿតាមព្រះពុទ្ឋសាសនា ក៍ដូចសាសនាដ៍ទៃទៀតដែរ គឺមានសិទ្ឋសេរីភាពខាងជំនឿ នាំគ្នាធ្វើបុណ្យទាននិងពិធីផ្សេងៗដោយមិនព្រួយបារម្ភ ក្រោមដំបូលសន្តិភាពដ៏រឹងមាំ ក្រោមការកិច្ចដឹកនាំដ៏ឈ្លាសវៃរបស់សម្តេចតេជោ ហ៊ុន សែន នាយករដ្ឋមន្ត្រី បានធ្វើឲ្យប្រទេសជាតិទាំងមូល មានការអភិវឌ្ឍរីកចម្រើនលើគ្រប់វិស័យ ទាំងវិស័យអាណាចក្រ និង ពុទ្ធចក្រ ។ ការរីកចម្រើននេះ ក៏ផ្តើមចេញពីកម្លាំងនៃ មហាសាមគ្គី ពីថ្នាក់ដឹកនាំ មន្ត្រីរាជការ អាជ្ញាធរមូលដ្ឋាន សប្បុរសជន និង ប្រជាពុទ្ធបរិស័ទជិតឆ្ងាយផងដែរ ។
ក្នុងឱកាសនោះដែរ លោកអភិបាលរងខេត្ត ក៏បានសម្តែងនូវការកោតសរសើរចំពោះព្រះចៅអធិការ ព្រះសង្ឃ គណៈកម្មការ អាចារ្យវត្ត បងប្អូនប្រជាពលរដ្ឋ និងពុទ្ធបរិស័ទគ្រប់មជ្ឈដ្ឋានដែលបានសាមគ្គី ចូលរួមចំណែកជាកម្លាំងកាយ កម្លាំងចិត្ត និងទ្រព្យធនផ្តួចផ្តើមនូវអង្គកឋិនទាននេះឡើង ដែលជាផ្នែកមួយដ៏សំខាន់រួមចំណែកក្នុងការអភិវឌ្ឍវិស័យពុទ្ឋចក្រ ដែលវិស័យនេះតែងតែដើរទន្ទឹមគ្នាជាមួយវិស័យអាណាចក្រមិនអាចខ្វះមួយណាបានឡើយ ដើម្បីចូលរួមជួយស្តារនិងអភិវឌ្ឍន័សង្គមជាតិឱ្យបានរីកចំរើនទៅមុខទៀត។
បើតាម ព្រះវិភត្តិមុនីញាណ ហ៊ាក់ គឹមហ៊ាក់(ហំ) ព្រះរាជាគណៈថ្នាក់កត្តិយស នៃព្រះរាជាណាចក្រកម្ពុជា និងជាព្រះចៅអធិការវត្តអារញ្ញសាគរ មានថេរដិកាថា បុណ្យកឋិន ជាពិធីបែបព្រះពុទ្ឋសាសនាបុណ្យមួយចាប់ផ្ដើមធ្វើបន្ទាប់ពីបុណ្យចេញវស្សា។ បុណ្យកឋិនតែងត្រូវបានដង្ហែចូលគ្រប់ទីអារាមទាំងអស់ ពុំមានទំនេរវត្ដណាមួយ ត្រូវបានខកខានឡើយដូច្នេះគេតែងតែឃើញ ក្បួនកឋិនទានតែងបានដង្ហែទៅកាន់ទីអារាមរៀងៗ ខ្លួនចាប់ពីថ្ងៃ ១រោច ខែអស្សុជដល់ថ្ងៃទី១៥កើត ខែកត្តិក ហើយបើទីអារាមណាមួយ មិនមានកឋិនណាមួយហែចូលទេ ទីអារាមនោះក៏ត្រូវតែរៀបចំជាកឋិនជើងវត្តដែរ ។កឋិនទានបវេណីព្រះពុទ្ធសាសនាគឺជាឧត្ដមបុណ្យរបស់ពុទ្ធបរិស័ទ។ កឋិនទានបវេណីព្រះពុទ្ធសាសនាគឺជាឧត្ដមបុណ្យរបស់ពុទ្ធបរិស័ទ។ ពាក្យថា“កឋិន“ជាភាសាបាលីសំដៅយកក្របក្ដារ ដែលភិក្ខុសង្ឃសម័យបុរាណឥណ្ឌាប្រើសម្រាប់ដេរសំពត់ធ្វើជាស្បង់ចីវរ។ សំពត់ដែលបានរៀបចំតាក់តែងឡើងនោះមានឈ្មោះថា“សំពត់កឋិន“ ៕
អត្ថបទ និង រូបភាព៖ យូ វង្ស
