នាព្រឹកថ្ងៃទី០៩ ខែធ្នូ ឆ្នាំ២០២០នេះ តាមរយៈសារជាសំឡេង លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល សង្កត់ធ្ងន់ថា ទោះបីពិភពលោក ក៏ដូចជាប្រទេសកម្ពុជា បានរៀបចំបញ្ជាទិញ វ៉ាក់សាំងបង្ការវីរុសកូវីដ-១៩ក៏ដោយ តែវ៉ាក់សាំងមិនមែនជាចម្លើយតែមួយគត់ សម្រាប់ការការពារ មិនឲ្យចម្លងវីរុសកូវីដ-១៩នោះទេ។
គួរជម្រាបថា របាយការណ៍របស់ក្រសួងសុខាភិបាល គិតត្រឹមព្រឹកថ្ងៃទី០៩ ខែធ្នូ ឆ្នាំ២០២០ អ្នកឆ្លងជំងឺកូវីដ-១៩ ក្នុងព្រឹត្ដិការណ៍សហគមន៍ ២៨វិច្ឆកា ត្រូវបានរកឃើញថ្មីចំនួន ៤នាក់បន្ថែមទៀត ដែលចំនួននេះនៅទូទាំងប្រទេស កើនដល់ ៣៨ នាក់៕
អត្ថបទ៖ មន្ទីរព័ត៌មានខេត្តសៀមរាប
