នៅថ្ងៃទី២៩ ខែធ្នូ ឆ្នាំ២០២០ លោក សុខ ណារ៉េត អភិបាលរងស្រុកក្រឡាញ់ ខេត្តសៀមរាប ទទួលបន្ទុកកិច្ចការច្រកចេញចូលតែមួយ បានដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ២០២០ និងលើកទិសដៅអនុវត្តការងារឆ្នាំ២០២១ របស់ការិយាល័យច្រកចេញចូលតែមួយនៃរដ្ឋបាលស្រុកក្រឡាញ់ សមាសភាពចួលរួមសរុប ១២នាក់ ស្រី ៥នាក់ ។ ដោយមានការអញ្ជើញចូលរួមកិច្ចប្រជុំពីលោកប្រធានការិយាល័យប្រជាពលរដ្ឋ និងមន្រ្តីនគរបាលទទួលបន្ទុកផ្នែកអត្តសញ្ញាណកម្មផងដែរ។
គិតចាប់ពីខែមករា ដល់ខែធ្នូ ឆ្នាំ២០២០នេះ ការិយាល័យច្រកវេញចូលបានអនុវត្តការងារដោយទទួលលទ្ធផលដូចខាងក្រោម៖
១. ការផ្ដល់សេវាការងារនីត្យានុកូលកម្ម ចំនួន២,៩៥៥នាក់ ស្រី១,៧២០នាក់
២. ការងាររដ្ឋបាល ចំនួន៨នាក់ ស្រី៥នាក់
៣. ការផ្ដល់សេវាការងារអត្រានុកូលដ្ឋាន ចំនួន១,៣៧០នាក់ ស្រី២៦៨នាក់
៤. ការផ្ដល់សេវាតាមវិស័យនីមួយៗ ៖
-ការងារវប្បធម៌ និងវិចិត្រសិល្បះ ចំនួន២៨នាក់ ស្រី ២០នាក់
-ការងាររ៉ែ និងថាមពល ចំនួន១៣នាក់ ស្រី០នាក់
-ការងារសុខាភិបាល ចំនួន ១៣នាក់ ស្រី០៧នាក់
– ការងារកសិកម្ម ចំនួន ១៦នាក់ ស្រី១៤នាក់
-ការងារការផ្ទេរសិទ្ធិអចលនទ្រព្យពុំទាន់ចុះបញ្ជី ចំនួន១៦នាក់ ស្រី១៤នាក់
– ការងារសំណង់ ចំនួន១៨នាក់ ស្រី៣នាក់
សរុប៤,៤៣៧នាក់ ស្រី២,០៥១នាក់
ថវិកាសរុប ១៣,២៤៣,៨០០រៀល ។
លោក សឺន ម៉ៅ ប្រធានការិយាល័យប្រជាពលរដ្ឋ លើកឡើងថា ចំពោះការបម្រើសេវារបស់ការិយាល័យច្រកចេញចូលតែមួយ នៃរដ្ឋបាលស្រុកក្រឡាញ់នាពេលកន្លងមក មានការពេញចិត្តពីប្រជាពលរដ្ឋចំនួន៤៣ករណី តាមរយៈផ្ទាល់មាត់ ប្រអប់សំបុត្រ និងសារអេឡិចត្រូនិច។
កិច្ចប្រជុំក៏បានលើកជា ទិសដៅអនុវត្តសម្រាប់ឆ្នាំបន្ទាប់រួមមាន៖
– បន្តការផ្តល់សេវាដែលនៅសេសសល់ជូនប្រជាពលរដ្ឋ ត្រូវសម្រេចធ្វើឲ្យបាន ធ្វើលឿន និងធ្វើឲ្យមានតម្លាភាព
– បន្តផ្សព្វផ្សាយការផ្តល់សេវានៅតាមទីប្រជុំជន និងតាមកិច្ចប្រជុំនានារបស់រដ្ឋបាលស្រុក និងចុះផ្សព្វផ្សាយនៅក្នុងកិច្ចប្រជុំរបស់រដ្ឋបាលឃុំ
– រៀបចំតារាងឧបសម្ព័ន្ធ ស្តីពីការកំណត់តម្លៃសេវារដ្ឋបាល របស់ការិយាល័យច្រកចេញចូលតែមួយ(តារាងថ្មី)
– រៀបចំខិត្តប័ណ្ណ និងបើកយុទ្ធនាការផ្សព្វផ្សាយ ស្តីពីការផ្តល់សេវារបស់ការិយាល័យច្រកចេញចូលតែមួយ
– បន្តស្រង់ និងធ្វើបច្ចុប្បន្នភាពទិន្នន័យប្រភេទសេវាតាមវិស័យនីមួយៗ
– ជំរុញ និងលើកទឹកចិត្តការផ្ដល់សេវាជូនប្រជាពលរដ្ឋដល់មូលដ្ឋាន
លោកអភិបាលរងស្រុក ក៏បានជំរុញដល់មន្ត្រីដែលផ្តល់សេវាសាធារណៈទាំងអស់ ត្រូវយកចិត្តទុកដាក់ខ្ពស់ក្នុងការបម្រើសេវាសាធារណៈជូនប្រជាពលរដ្ឋឱ្យមានប្រសិទ្ធភាព និងឱ្យទាន់ពេលវេលា៕
