ប្រជាពលរដ្ឋក្រីក្រនៅឃុំអំពិល ស្រុកប្រាសាទបាគង ខេត្ដសៀមរាប ដែលជាជនក្រីក្ររួមមានស្រី្ដមេម៉ាយ និងចាស់ជរា ជនពិកា បាននឹងកំពុងចាប់យកការប្រកបរបរត្បាញល្ពាក់ធ្វើជាកន្ត្រក កញ្រែ្ចង និងសម្ភារ:ប្រើប្រាស់ផ្សេងៗទៀត ដើម្បីបានប្រាក់ចំណូលបន្ថែម បន្ទាប់ប្រមូលផលស្រូវ។ ពួកគាត់បានបានថ្លែងអំណរគុណយ៉ាងជ្រៀលជ្រៅ ចំពោះប្រមុខរាជរដ្ឋាភិបាល ដែលបានជួយឧត្ថម្ភថិកាក្នុងអំឡុងពេលជួបបញ្ហាសេដ្ឋកិច្ចគ្រួសារ ដោយសារជំងឺកូវីដ-១៩។
ប្រជាពលរដ្ឋទាំងនោះ បានលើកឡើងថា ក្នុងរយៈពេលពួកគាត់មានបញ្ញជីវភាពខ្វះខាត ដោយសារកូវីដ-១៩នេះ ពួកគេបានទទួលថវិកាពីរាជរដ្ឋាភិបាលចំនួន៧ដងមកហើយ ដោយពលរដ្ឋខ្លះបានជិ២០ម៉ឺនរៀល និងខ្លះទៀតបានជាង២០ម៉ឺនរៀល អាស្រ័យលើសមាជិកគ្រួសារតិចឬច្រើន។ ពួកគាត់បានបន្ដថា ការជួយជ្រោមជ្រែងថវិកាពីរាជរដ្ឋាភិបាលកន្លងមកនេះ បានធ្វើអោយពួកគាត់កាត់បន្ថយការចំណាយ និងជួយដោះទុក្ខលំបាកបានមួយគ្រាៗដែរ ដូចជាទិញស្បៀងអាហារប្រចាំថ្ងៃ ទិញថ្នាំដង្កូវជួយព្យាបាលដល់កូនរបស់ពួកគាត់ផងដែរ។ពួកគាត់យល់ថា ការយកចិត្ដទុកពីអាជ្ញាធរ ជាពិសេសប្រមុខរាជរដ្ឋាភិបាលដែលមានសម្ដេចតេជោ ហ៊ុន សែនជាប្រមុខដឹកនាំនេះ ពួកគាត់ចងចាំជានិច្ចនិងមិនអាចបំភ្លេចបានឡើយនូវជំនួយបន្ដបន្ទាប់នេះ ធ្វើឲ្យពួកគាត់បានធូរស្រាលផ្នែកជីវភាពនាពេលបច្ចុប្បន្ននេះ។
លោក ព្រៀន ប្រប មេឃុំអំពិល ស្រុកប្រាសាទបាគង មានប្រសាសន៍នៅថ្ងៃទី០៣ កុម្ភ: ឆ្នាំ២០២១ថា ពលរដ្ឋក្រីក្រីនៅក្នុងឃុំអំពិលបានទទួលថវិកាពីរាជរដ្ឋាភិបាលក្នុងអំឡុងកូវីដ-១៩ ចាប់ពីពាក់កណ្ដាលឆ្នាំ២០១៩ មកដល់ពេលបច្ចុប្បន្ននេះ មានចំនួនជាង៥៥លានរៀល។ ការទទួលបានជួយឧបត្ថម្ភពីរាជរដ្ឋាភិបាលនេះ ធ្វើអោយពួកគាត់ មានថិកាជួយលើជីវភាពមួយចំនួន ព្រមទាំងបានជួយដោះសងបំណុលធនាគារខ្លះៗដែរ។ លោកក៏សុំថ្លែងអំណរគុណដល់ប្រមុខរាជរដ្ឋាភិបាលដែលបានយកចិត្ដទុកដាក់ដល់ប្រជាពលរដ្ឋកំពុងទីទាល់ក្រ ខណៈដែលពួកគេជួបការលំបាករកប្រាក់ចំណូល ក្នុងវិបត្តិជំងឺកូវីដ-១៩នេះ។
លោកមេឃុំបញ្ជាក់ថា ប្រជាពលរដ្ឋក្រ១ ក្រី២ នៅក្នុងឃុំនេះ មានជាង៣៣០គ្រួសារ ហើយនៅសល់តែ៣គ្រសារទៀតប៉ុណ្ណោះ ដែលមិនទាន់ទទួលបាន ដោយសារពីរគ្រួសារមានឈ្មោះស្ទួន និងមួយគ្រួសារទៀតឈ្មោះមានភាពមិនប្រក្រតី។ ពួកគាត់ជាង៣០០គ្រួសារនោះ ខ្លះជាស្ដ្រីមេម៉ាយ ជនពិកា ចាស់ជរា៕
អត្ថបទ និងរូបភាព: លោក បូ សាវី
កែសម្រួល: លីវ សុខុន
