រយៈពេល៣ថ្ងៃ ចាប់ពីថ្ងៃទី១១ដល់ថ្ងៃទី១៣ ខែកុម្ភៈ ឆ្នាំ២០២១ នៃថ្ងៃចូលឆ្នាំចិន-វៀតណាម ករណីគ្រោះថ្នាក់ចរាចរណ៍នៅទូទាំងប្រទេស បានកើតឡើងសរុបចំនួន ៣៥ករណី និងបានបង្កឲ្យមនុស្សយ៉ាងតិចណាស់ ១៤នាក់បានស្លាប់ នេះបើតាមការចុះផ្សាយរបស់អគ្គស្នងការដ្ឋាននគរបាលជាតិ នៅថ្ងៃទី១៥ ខែកុម្ភៈ ឆ្នាំ២០២១នេះ។
ការចុះផ្សាយដដែលនេះ បញ្ជាក់ថា មូលហេតុនៃការស្លាប់ក្នុងគ្រោះថ្នាក់នេះ បង្កដោយ ការបើកបរលើសល្បឿនកំណត់ចំនួន ៨នាក់ មិនគោរពសិទ្ធចំនួន ២នាក់ ប្រជែងគ្រោះថ្នាក់ ២នាក់ បត់គ្រោះថ្នាក់១នាក់ និង ស្រវឹង ១នាក់។ ក្នុងនោះ ចំនួនអ្នករងរបួសធ្ងន់ស្រាលមានចំនួន ៥២នាក់។
បើធៀបទៅនឹងរយៈពេលដូចគ្នាក្នុងឆ្នាំ២០២០ ករណីគ្រោះថ្នាក់ចរាចរណ៍នៅទូទាំងប្រទេស មានការថយចុះ១៣លើក រីឯចំនួនអ្នកស្លាប់មានការថយចុះចំនួន ២១នាក់។
អត្ថបទ៖ លោក សេង ផល្លី
រូបភាព៖ មន្ទីរព័ត៌មាន
