ផ្ទះមនុស្សធម៌ទី៦៤ មានទំហំ ៥ម៉ែត្រx៦ម៉ែត្រ ធ្វើពីឈើ ប្រក់ស័ង្កសីភ្លីធំ ក្រាលក្ដារ ជញ្ជាំងក្ដារ កម្ពស់៤ ម៉ែត្រ ដែលផ្ដួចផ្ដើមដោយឯកឧត្តមបណ្ឌិត ឃឹម ប៊ុនសុង ប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប ត្រូវបានលោកជំទាវបណ្ឌិត គួយ ណាលីន ឃឹមប៊ុនសុង អនុប្រធានគណៈកម្មាធិការសាខា និងសហការី បានប្រគល់ជូនអ្នកមីង ពៅ ខុន អាយុ ៥៩ឆ្នាំ ជាស្ត្រីមេម៉ាយ ទីទ័លក្រ នៅភូមិអូរតាពុត ឃុំកំពង់ឃ្លាំង ស្រុកសូទ្រនិគម មានមុខរបរជាអ្នកធ្វើប្រហុកលក់បន្ដិចបន្ដូច គ្រាន់បានថវិកាទ្រទ្រង់ជីវភាពគ្រួសារ កាលរសៀលថ្ងៃទី ២២ ខែមករា ឆ្នាំ២០១៩ ។
ជាមួយនឹងការប្រគល់ផ្ទះនេះ ក៏បានឧបត្ថម្ភនូវសម្ភារមួយចំនួន រួមមាន : មុង១ -ភួយ១ -សារុង១ -ក្រមា១ -កន្ទេល១ -អង្ករ៥០គីឡូក្រាម -មី១កេស -ត្រីខ១យួរ ទឹកត្រី១យួរ សម្ភារផ្ទះបាយមួយចំនួន និង ថវិកាចំនួន២០ម៉ឺនរៀល ៕
អត្ថបទ និង រូបថត : លោក គឿន វេត
កែសម្រួលអត្ថបទ : លោក លីវ សាន្ត
