មនុស្សជាង៤០០នាក់ ដែលជាប់ពាក់ព័ន្ធផ្ទាល់ និងប្រយោលជាមួយនឹងបុរសដែលរកឃើញថាមានផ្ទុកជំងឺកូវីដ-១៩ នៅក្នុងក្រុងសៀមរាប ត្រូវបានក្រុមគ្រូពេទ្យ បានយកសំណាករួចរាល់ព្រមទាំងតម្រូវឱ្យធ្វើចត្តាឡីស័កនៅតាមមណ្ឌលចត្តាឡីស័ក និងតាមផ្ទះ សម្រាបថ្ងៃទី២២ ខែមីនានេះមនុស្សចំនួន១៤៣នាក់ ទទួលបានលទ្ធផលអវិជ្ជមានទាំងអស់។
សូមបញ្ជាក់ថា កាលពីថ្ងៃទី២០ ខែមីនា ឆ្នាំ២០២១កន្លងមកនេះ រដ្ឋបាលខេត្តសៀមរាប បានរកឃើញបុរសម្នាក់ ឈ្មោះ ម៉ាប់ វ៉ុន អាយុ៣៥ឆ្នាំ មានវិជ្ជមានកូវីដ-១៩ បុរសខាងលើបានធ្វើដំណើរមកពីខេត្តកណ្តាល នៅថ្ងៃទី០៧ ខែមីនាគាត់បានធ្វើដំណើរទៅកាន់ខេត្តសៀមរាប។
សូមជម្រាបថា គិតត្រឹមថ្ងៃទី២២ ខែមីនា ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ១៩ សរុបចំនួន១.៧៥៣នាក់ ក្នុងនោះអ្នកជាសះស្បើយចំនួន ៩៦៧នាក់ ,អ្នកកំពុងសម្រាកព្យាបាលចំនួន ៧៨១នាក់ និង អ្នកស្លាប់ដោយសារកូវីដ១៩ ចំនួន០៤នាក់៕
អត្ថបទ និងរូបភាព៖ ស៊ាន សុផាត
កែសម្រួល៖ អ៊ុន ណារាជ្យ
