នៅថ្ងៃទី២៤ ខែមីនា ឆ្នាំ២០២១ រដ្ឋបាលខេត្តសៀមរាប បានធ្វើការផ្សព្វផ្សាយ និងណែនាំដល់ អ្នកបើកបរ និងអ្នកធ្វើដំណើរឆ្លងកាត់ ឬចូលខេត្តសៀមរាបទាំងអស់ ត្រូវបំពេញទម្រង់ផ្តល់ព័ត៌មាន ផ្តល់ជូនដោយក្រុមការងារត្រួតពិនិត្យសុខភាពបឋម និងចុះឈ្មោះ ឬស្កែន QR Code របស់រដ្ឋបាលខេត្ត នៅតាមដងផ្លូវជាតិលេខ៦ ដោយប៉ុស្តិត្រួតពិនិត្យទី១ ស្ថិតនៅព្រំប្រទល់ខេត្តកំពង់ធំ និងខេត្តសៀមរាប និង ទី២ស្ថិតនៅព្រំប្រទល់ខេត្តសៀមរាប និងខេត្តបន្ទាយមានជ័យ។
តាមរយៈការផ្សព្វផ្សាយនេះ អ្នកបើកបរ និងអ្នកធ្វើដំណើរ តាមរថយន្តឈ្នួល រថយន្តក្រុង និងរថយន្តលក្ខណៈគ្រួសារទាំងអស់ អាចធ្វើការបំពេញជាមុន ឬបំពេញនៅប៉ុស្តិត្រួតពិនិត្យសុខភាពបឋមដោយផ្ទាល់ តាមរយៈទម្រង់នេះបញ្ជីឈ្មោះនេះ https://www.facebook.com/SiemReap.provincial/photos/pcb.2734173056893994/2734342333543733/។
ដើម្បីពង្រឹងប្រសិទ្ធភាពក្នុងការគ្រប់គ្រងអ្នកដំណើរឆ្លងកាត់ ឬចូលទឹកដីខេត្តសៀមរាប គណៈបញ្ជាការឯកភាពរដ្ឋបាលខេត្ត នឹងចាត់វិធានការតាមផ្លូវច្បាប់ ចំពោះអ្នកបើកបរ ឬអ្នកដំណើរ ដែលបានផ្ដល់ព័ត៌មានមិនពិត ឬពុំសហការជាមួយក្រុមការងារជំនាញ នៅតាមចំណុចគោលដៅខាងលើ។
ព័ត៌មានជាតិ ថ្មីៗ
អត្ថបទ៖ លោក សេង ផល្លី
